2款牛油果食譜 連食10日牛油果 改善肩頸僵硬兼美顏減肥
撰文：Sunday Kiss｜圖片來源：《名医が認めた！病気や体の不調を予防改善してくれる最強の食べ物SP》、shutterstock、新傳媒資料庫 | 編輯：Ruby
日本近6成人受肩頸僵硬困擾 專家推牛油果食譜
肩頸僵硬唔止係中年、老年人士常見嘅毛病，成日長時間保持同一個動作打電腦嘅，一眾辦公室打工仔都容易患上！肩膊一帶嘅肌肉稱為「僧帽筋」，係支撐頭部、頸嘅肌肉。
因為要支撐頭顱，兩邊「僧帽筋」合共要負重10kg！是日常用得「最狠」的身體肌肉。而肩頸僵硬的原因是疲勞積聚，令「僧帽筋」的血流滯住，血液循環唔好，就會令肌肉僵硬。
於是節目組提出牛油果食譜，看看牛油果能否有效紓緩肩頸僵硬情況。於是邀請了3組不同年齡層的男女做實驗，用專門測量肌肉硬度儀器，量度測試對象在食用牛油果前後的肌肉硬度數值變化。10～29為「安心區」、30～39為「提高警覺區」、40或以上就係「嚴重區」。
上層顯示嘅數值為食用牛油果前嘅數值，近乎所有數值都處於「嚴重區」！不過經參試者食用牛油果10日，全員的肩頸肌肉硬度就回落到「提高警覺區」，甚至到達「安心區」！
在未嘗牛油果食譜前，數值最高的福田小姐，其右肩已經硬到無法舉高手！
但只係跟食譜食咗10日，就能輕鬆舉起右手！連節目嘅現場嘉賓都驚喜不已！
牛油果食譜中的營養價值
牛油果含有豐富維他命B1、B2及維他命E，有令肌肉疲勞回復效果。另外，牛油果中亦含有油酸，對於預防動脈硬化、生活習慣嘅病痛非常有效。
10日見效咪要食好多？醫生就話，其實一日食半個已經好足夠！呢個分量好easy啫！
牛油果食譜2個
1｜燒紫菜涼拌牛油果
日本管理營養師・渥美真由美指出，燒紫菜中含有豐富維他命B1、B2，有令肌肉疲勞回復效果，配合牛油果一齊食，能夠發揮到更好功效！
牛油果食譜所需材料：大牛油果1個（去皮、去核，淨重200g）、支裝日式芥末（半茶匙）、醋（1茶匙）、豉油（2茶匙）、欖橄油（1湯匙）、燒紫菜（半片）。
牛油果食譜做法：先將牛油果切粒備用，再將所有調味料放到碗中拌勻，然後將牛油果粒倒入調味汁，最後將紫菜撕碎放埋入碗，一次過將整體拌勻就完成了！
2｜照燒汁煮牛油果豬肉卷
豬肉同樣擁有疲勞回復效果，而且在眾多肉類當中，豬肉是含有最多維他命B1、B2。
牛油果食譜所需材料：牛油果（1個）、豬肉片（10片）、鹽+胡椒粉（各少許）、橄欖油（1湯匙）、豉油（1湯匙）、味醂（2湯匙）、檸檬油（1茶匙）。
牛油果食譜做法：牛油果去皮、去核後，縱向切至5等片，然後用豬肉捲住牛油果片，用鹽和胡椒粉調味。將橄欖油加到鑊中，調至中火烹煮牛油果豬肉卷。兩邊都煎至轉色後，就加入豉油、味醂、檸檬汁打芡，煮稠芡汁就完成。
如何挑選牛油果？
- 挑選牛油果，首先看表皮的色澤：青色還未熟，啡色則代表成熟。
- 輕輕用指腹捏一捏，如果太硬的話就是比較生，太軟的話則是已經太熟甚或已爛，要挑選軟硬適中的牛油果。
參考資料：衛生處網頁
