【2018中秋】卡通月餅大比拼 | 糖份+卡路里全面檢閱
撰文：K | 圖片：Issac
【2018中秋】卡通月餅大比拼 | 糖份 卡路里全面檢閱
今年市面上多咗好多卡通造型月餅，小朋友一定會鍾意！月餅外形可愛固然吸引，但背後嘅糖份、卡路里你又有冇仔細睇過？今次編輯部為大家詳細檢閱部分市售月餅嘅營養標籤，睇下邊一款最多糖，邊一款最低卡！
5大卡通造型月餅逐一開箱
今年有好多卡通造型月餅推出市面，首先我們就來市面上5款卡通造型月餅，為大家逐一開箱！
奇華餅家 小丸子奶皇月餅
奇華餅家小丸子奶皇月餅分為2個裝和4個裝。分別為獨立鐵盒和大鐵盒包裝。編輯認為獨立盒裝非常可愛，細細個可以重用作首飾／小物件收納盒！
月餅造型及編輯食評
小丸子奶皇月餅每一個有小丸子角色的「嘜頭」，值得注意的是只有野口同學是朱古力奶黃味。奶皇月餅味道偏甜，而據編輯所指，朱古力奶黃味超似「莎莉蛋糕」！
小丸子的圖案清晰可見，絕對認得出！
營養資料
奇華餅家的營養資料以1個35g為單位計。
迷你蛋黃奶皇月餅
卡路里：154kcal per 35g （440kcal per 100g）
糖：8.5g per 35g （24.3g per 100g）
迷你朱古力奶皇月餅
卡路里：143kcal per 35g （409kcal per 100g）
糖：10.6g per 35g （30.3g per 100g）
A1 Bakery 多啦A夢奶黃月餅
A1 Bakery多啦A夢奶黃月餅用一個多啦A夢的盒裝住，可以用作收納用途，完全睇唔出係月餅盒！編輯都將多啦A夢盒放咗係枱頭呢！
月餅造型及編輯食評
月餅分為隨意門和多啦A夢「嘜頭」2款，但隨意門印得唔夠深，驟眼睇睇唔出！但多啦A夢「嘜頭」就做得精緻得多！編輯認為這一款比較重奶味，喜歡奶味重嘅朋友可以選擇這個！
營養資料
多啦A夢奶黃月餅
卡路里：423kcal per 100g
糖：22.8g per 100g
澳門英記 史諾比奶黃月餅
有無Snoopy粉絲！雖然外盒冇上面個2款咁實用，但長方形嘅盒都可以用來收納（但就不可收納太多，否則很難關上）。Snoopy好可愛呢!
月餅造型及編輯食評
史諾比奶黃月餅只有Snoopy一個造型，但非常清晰！而且比起其他款更加深色。而且亦比其他款無咁甜！
營養資料
史諾比奶黃月餅
卡路里：409kcal per 100g
糖：17.9g per 100g
榮華餅家 B.Duck 小黃鴨音樂盒奶黃月餅
榮華餅家 B.Duck 小黃鴨音樂盒奶黃月餅嘅包裝盒係咁多款入面最「高質」！因為佢唔單止係月餅盒，仲係音樂盒，真係有音樂㗎！超級精緻，編輯部咁多位同事都爭住要！
月餅造型及編輯食評
B.Duck 小黃鴨奶黃月餅只有一款造型，比較淺色無咁容易睇到月餅圖案，而口感方面就比較「實」。
營養資料
B.Duck 小黃鴨音樂盒奶黃月餅
卡路里：1645KJper 100g （393Kcal per 100g）
糖：23.9g per 100g
聖安娜 Emoji微笑便便奶黃月餅
聖安娜 Emoji微笑便便奶黃月餅都係用鐵盒裝，外表係滿滿嘅「屎屎」。小朋友見到一定會大笑！
月餅造型及編輯食評
打開入面係朱古力皮，真係emoji「屎屎」嘅造型，好得意！入面係奶黃餡，配搭起好好食！在場小朋友最鍾意依個！而且依款糖份亦唔高！
營養資料
Emoji微笑便便奶黃月餅
卡路里：408kcal per 100g
糖：14.7g per 100g
糖份+卡路里大比拼
同場加映：特別口味月餅
美心冰室系列月餅「茶冰檸走」及「茶冰樂鴦」
美心 冰室系列月餅分為「茶冰檸走」及「茶冰樂鴦」2款。而茶餐廳飲品作月餅味道，超有新意！
編輯食評
「茶冰檸走」（一盒八個，每款口味兩個）分別為凍檸茶、紅豆冰、茶走和鹹檸。編輯覺得紅豆冰好似食緊紅豆雪糕！而凍檸茶就好似食緊蜂蜜檸檬糖咁（唔知大家知唔知我講邊隻，黃色包裝有隻蜜蜂嗰款）不過記得要雪得凍啲嚟食，唔係就會太淋！
營養資料
冰室系列月餅 「茶冰檸走」
檸茶味
卡路里：49 kcal per 15g （326Kcal per 100g）
糖：3.4 g per 15g（22.6g per 100g）
紅豆冰味
卡路里：33kcal per 15g （220Kcal per 100g）
糖：2.9 g per 15g（19.3g per 100g）
咸檸味
卡路里：47 kcal per 15g （313 Kcal per 100g）
糖：3.7 g per 15g（24.7g per 100g）
茶走味
卡路里：50 kcal per 15g （333 Kcal per 100g）
糖：3.4 g per 15g（22.6g per 100g）
冰室系列月餅「茶冰樂鴦」
檸樂味
卡路里：46 kcal per 15g （307 Kcal per 100g）
糖：3.4 g per 15g（22.6g per 100g）
鴦走味
卡路里：48 kcal per 15g （320 Kcal per 100g）
糖：3.5 g per 15g（23.3 g per 100g）
美心 貓山王榴槤冰皮禮盒
美心貓山王榴槤冰皮禮盒是編輯最愛（編輯是榴槤迷），而且是天然樹上原熟，100%馬來西亞貓山王榴槤肉！
編輯食評
未切開時味道其實不重，但切開後味道濃郁，吃下去亦很有榴槤味，榴槤迷一定超喜歡！
營養資料
貓山王榴槤冰皮禮盒
卡路里：39kcal per 15g （260Kcal per 100g）
糖：3.8 g per 15g（25.3 g per 100g）
位元堂 低糖迷你柑桔桂花白蓮蓉月餅
位元堂 低糖迷你柑桔桂花白蓮蓉月餅屬傳統的白蓮蓉月餅，但加入了柑桔、桂花和蟲草，讓白蓮蓉月餅變得特別！
月餅盒造成抽屜的造型，很可愛！
編輯食評
這款屬於傳統味道月餅，編輯覺得這款雖然是低糖月餅，但因為是整個白蓮蓉，吃下去感覺依然很甜，容易覺得「漏」。（編輯爸爸表示很喜歡！可能老一輩的會比較喜歡這個！）
營養資料
低糖迷你柑桔桂花白蓮蓉月餅
卡路里：57kcal per 15g （380Kcal per 100g）
糖：0.6 g per 15g（4 g per 100g）
A1 Bakery 北海道白雲月餅
A1 Bakery 北海道白雲月餅一共有4款味道－柚子、綠茶、紅豆、芝麻。
造型很精緻，但略嫌包裝過多。
編輯食評
四款月餅和包裝上的顏色一致，很驚喜！但味道真的偏甜，無辦法吃得多！但除了過甜的問題，其他整體都不錯。
營養資料
抹茶味
卡路里：372Kcal per 100g
糖：64.2 g per 100g
紅豆味
卡路里：392 Kcal per 100g
糖：66 g per 100g
柚子味
卡路里：378 Kcal per 100g
糖：66.6g per 100g
芝麻味
卡路里：376Kcal per 100g
糖：62 g per 100g
Sift法式月光朱古力月餅
Sift 法式月光朱古力月餅分為香蕉花生、脆香檸檬、榛子脆餅三種味道。
編輯食評
吃下去感覺像吃朱古力撻！但容易「漏」，編輯覺得當成甜品吃比較好！
