【颱風過後】旅遊巴自發性免費接載市民 網民激讚：「香港人仲有好多人情味」
廣告
颱風「山竹」昨日吹襲本港，多處水浸冧樹，地上佈滿樹枝及垃圾，交通大癱瘓，很多人都無辦法離開住所前往上班。然而香港人發揮互助互利精神，有網民表示因為交通問題無法上班，遇上一名駕駛旅遊巴的司機拿着「往九龍塘」的牌子免費接載市民，感動大讚「香港人仲有好多人情味」。
撰文：K
【颱風過後】旅遊巴自發性免費接載市民 網民激讚：「香港人仲有好多人情味」
有網民於Facebook發文表示今早因全港交通癱瘓，無法上班，發現一名旅遊巴司機大嗌：「去九龍塘呀！快啲上車，唔收錢呀！」，表示能免費接載市民到九龍塘。該網民大讚：「香港人仲有好多人情味」！
全文：
「
超級感動
話說粉嶺無火車無巴士出去，
本身行去上水再轉車出九龍塘，但被樹阻晒，完全行唔到
行去粉嶺站諗住駁一駁，睇下有無接駁巴，點知係完全無！
諗住放棄自己嘅時候，有架旅遊巴舉住張臨時寫嘅A4紙寫住（九龍塘），並大嗌：「去九龍塘呀！快啲上車，唔收錢呀！」
人：「港鐵架？」
師傅：「唔係呀！」
人：「收錢架？」
師傅：「哎，唔收錢呀！快啲上車」
上車後問落得知師傅大哥原來啱啱收工（唔係港鐵），順風車載埋我哋，真係超級感動
望住師傅大哥背影，真係覺得好型好型
香港人仲有好多人情味
💓
最後因馬料水個邊阻塞，去唔到九龍塘，要沙田落，但已好滿足。
#各位返工都要小心
#小心為上
#平安最重要
#返工這小事」
❤️超級感動❤️話說粉嶺無火車無巴士出去，本身行去上水再轉車出九龍塘，但被樹阻晒，完全行唔到🙈行去粉嶺站諗住駁一駁，睇下有無接駁巴，點知係完全無！諗住放棄自己嘅時候，有架旅遊巴舉住張臨時寫嘅A4紙寫住（九龍塘），並大嗌：「去九龍塘…
Posted by Mary Ma on Sunday, 16 September 2018
