【媽媽心聲】坐月被問「最無聊的問題」 陳柏宇太太：「泵奶、餵奶、氹訓覺」

撰文：Chloe | 圖片：陳柏宇IG、符曉薇IG

陳柏宇太太 大嘆新手媽媽湊B心聲

日前符曉薇就喺社交網大嘆新手媽媽湊B心得。佢上載了一張同囡囡嘅合照，並留言話：「近排發現最無聊嘅問題，就係問我做緊乜。」
leanne接著解釋，「我每日每三個鐘餵奶，撞正佢心情好個餐，半個鐘可以攪得掂。撞正佢心情差個餐，起碼搞成個幾鐘，之後仲要每三個鐘泵奶，自己都冇乜時間做自己野。有時大小姐仲唔肯訓，扭計要抱（其實望到佢，已經想抱佢），唔好講話自己時間，去個廁所都唔得。不過早上有陪月幫手，可以訓多兩個鐘同痾篤屎，所以話陪月有幾重要！」

唔少網友都同Leanne講「要好好珍惜同享受照顧BB嘅過程」，另有網民大讚符曉薇係好媽媽：「湊B唔假手於人！」