【心酸的人夫】老婆買的新床單 老公見到問：我係咪有咩要注意？
廣告
女人婚前愛撒嬌，婚後愛撒野？一名網友喺FB《爆怨公社》出PO，指老婆買咗套新床單，send咗張相畀佢睇，令佢即刻反思自己係咩做錯啲咩事，有咩要注意！其他網友見到張相，有人戥佢心酸，但就有更多女網民詢問床單喺邊度買！究竟係咩床單咁有話題性呢？
撰文：Joanne 圖片：FB截圖、myTVsuper截圖
係咩床單咁巴閉？
呢位網民嘅老婆，就係買咗呢套床單喇！用咗之後，成張床分成兩區，左邊住「她的被」同埋「她的枕頭」，但面積就佔咗三分之二，老公可以瞓嘅比例，真係打側身都怕會過界呀！唔怪得見到會想喊啦！
帖文一出，好多女網友都話「想買」、「這個好棒」、「這被單超適合我的欸，要去哪買？」，同時亦都有好多男士給予安慰「至少還有你的空間，湊合著過吧」、「我懂…」、「超鼻酸」！
不過最抵死嘅係，原來同一個系列嘅床單，仲有好幾款唔同嘅款式！如此女尊男卑嘅「心聲」，應該中咗唔少人妻嘅下懷！
呢啲對白 ，就令人諗起《我家有一隻河東獅》，張栢芝教古天樂嘅一段「愛妻宣言」喇！
