王祖藍首發BB超聲波照 網民：超個鼻超似爸爸！
廣告
李亞男預產期是今年12月，不過爸爸王祖藍已經急不及待在個人Instagram上發表BB的首張超聲波相！相片中BB一副眼瞓樣，爸爸同媽媽都忍不住模仿一番！
撰文：Sundaykiss｜圖片來源：Instagram
網民：BB個鼻超似爸爸
雖然B女尚有兩個星期才會正式跟大家見面，不過爸爸王祖藍已經急不及待在Instagram上分享BB的4D超聲波照，不少網民還留言指B女的鼻子很像爸爸王祖藍，令人更期待BB的來臨！
在 Instagram 查看這則貼文
李亞男陀B音樂胎教
李亞男上星期貼出自己的孕照，表示同肚中的小baby girl去聽音樂會，實行音樂胎教，仲話囡囡好鐘意聽音樂（Bringing baby girl to a concert.she really loves music）。網民都大讚，媽媽陀得好靚，好期待「小祖藍」出世。唔洗急，大家好快就知道BB，似李亞男定王祖藍喇！
李亞男經常笑言丈夫基因太強，如果生女似爸爸就大獲，但真係係囡囡呀！李亞男在個人Instagram上載了一張孕照，肚上就用粉紅色寫了「Baby Girl」，留言指：「今日小公主陪我開工，佢好乖！」
網民得知李亞男陀B女後，紛紛留言指希望不要像爸爸王祖藍，更有粉絲指會天天替李亞男祈禱：「拜託要像媽媽！」
胎動似攪肚痛
李亞男有咗4個月時，狀態仲好好，冇增磅，冇腰痛，又冇乜作嘔作悶，胃口都OK！不時仲去行吓公園，希望對將來順產會有幫助。
李亞男話，初初感受到胎動嘅時候，感覺好奇妙，好似攪肚痛咁！
未決定順產定開刀
李亞男話而家仲未決定順產定開刀，因為王祖藍實在太忙喇，怕BB出世會撞正爸爸要開工，如果開刀嘅話，爸爸就可以提早請定假！
李亞男選完華姐初到香港，就被公司安排同鍾嘉欣同住。而家佢哋都先後結婚，仲升級做媽媽喇！
李亞男：BB好錫媽咪
有網友就關心懷孕初期的李亞男早上有沒有晨起嘔吐、噁心、喜食酸物或厭油膩等妊娠反應，李亞男就表示，BB好錫媽媽，佢暫時都未經歷過孕期的任何不適，只會每日覺得好攰，又會頻頻「尿尿」。
