【人生勝利組】盡得媽咪遺傳好身段！葉玉卿大女又靚又叻
廣告
葉玉卿自從1998年嫁俾美籍華裔商人胡兆明，婚後一家五口定居美國，而大女胡芷欣（Victoria）不經不覺已19歲，唔止讀書叻，長得亭亭玉立，仲遺傳咗媽媽嘅靚樣同美好嘅身材，最近去咗墨西哥度假，經常喺ig晒性感泳裝相，十分養眼！
撰文：Joanne、東方新地 圖片：新傳媒資料室、Instagram
擸盡6大獎學金
胡芷欣除咗盡得媽咪好身材而受注目外，其實讀書都好叻！
舊年高中畢業之後，就攞到6個獎學金，升讀名牌大學Union College（美國聯合學院）。
芷欣高中嗰陣喺紐約讀私立貴族學校，連校園活動都好華麗。
自幼喺美國長大嘅Victoria都唔介意分享泳衣相，日前佢就喺社交網站上載新相，大晒「優質股」，唔少朋友及網民都讚佢索！
葉玉卿囡囡胡芷欣，盡得媽咪優點！
原來Victoria最近去咗墨西哥度假，今日（1/12）PO呢兩張紅色泳裝相，露出22吋纖腰，好多網民都讚佢比好好住盛期仲要Fit呀！
上年芷欣都有分享過嘅泳衣相，Victoria嘅身段明顯比以前更有線條美，相信佢有刻意操fit過！
兩個仔都係學霸級
除咗Victoria，葉玉卿仲有兩個仔，讀書成績都一樣好山眾！
二仔胡可聰今年16歲，講到讀書成績就比家姐更叻，更勤力！而家已經有晒全盤計劃，要考入長春藤大學，即係好似哈佛、耶魯、普林斯頓呢個級數嘅頂級名校！
至於細仔14歲嘅胡以聰，葉玉卿就話過佢係三個仔女中，最聰明嘅一個，讀咗咁耐書，只係試過兩次考試低於80分，相信佢將來絕對可以叻過家姐同哥哥！
