結婚4周年造人成功 古巨基太太疑有喜：無否認 又多一個豬年寶寶！？
廣告
要數娛樂圈中愛情長跑嘅佼佼者，相信大家一定會諗起46歲歌手古巨基（基仔）同佢嘅助手老婆Lorraine，兩人在2014年結束約20年的愛情長跑！今年係佢地結婚4周年，日前有指Lorraine發福不少，孕味甚濃，莫非造人成功？
撰文：TLY 圖片：新傳媒資料庫、古巨基@IG
古巨基太太疑有喜
基仔婚後一直恨生B，一直努力嘗試，但未有好消息。日前，基仔喺新碟《維多利亞》發布會，回應結婚4周年造人成功嘅消息，基仔沒有否認、也沒有承認，話會返屋企問吓佢。但好有可能係時候未到，日子未夠，未講得？點到好，希望基仔可以快啲做爸爸啦！
結婚三週年 罕有晒合照
上年係兩人結婚3週年基仔連發三張相，仲寫下：「三周年，遇見彩虹，許了願。」，冧死人咩！
結束20年愛情長跑
古巨基 同老婆Lorraine於2014年結束長達約20年愛情長跑，並於拉斯維加斯結婚，當年成為一時熱話！原來兩人相識於唱片公司，當初Lorraine喺宣傳部工作，後來成為咗基仔嘅私人助手，日久生情之下成為咗基仔入行以嚟唯一一位女友。
基仔同Lorraine多年來一直十分低調，雖然傳媒一度傳二人結婚，但基仔一直都只係回應話Lorraine係佢嘅「得力助手」。基仔曾經留言：「從94年我第一張唱片開始，在我工作上妳一直緊守在照顧我的崗位。然而此後，妳的未來，就讓我來好好的照顧。」結婚相特別揀喺豎立「ONE WAY」路牌前影，相信係寓意未來風雨同路，十分浪漫！
送甜品店冧老婆
基仔喺結婚同年與老婆Lorraine喺中環開設甜品麵包店，開張當日Lorraine正式以「基嫂」身份現身，兩位面上掛住幸福笑容，羨煞旁人！
低調夫婦甚少放閃
二人婚後依舊保持低調，基仔亦好少公開放閃，最多都係情人節當天出老婆個背影。今次大曬結婚相真係好罕見！結婚兩週年當日亦只係上傳咗出拖手相，不過就靠文字放閃。基仔留言話：「結婚2週年。老婆：『已經2年了⋯為什麼我感覺還是像剛剛結婚那時的感覺呢～』我：『因為我疼妳嘍～』⋯⋯肉麻～～～」。
關鍵詞
古巨基
