佘詩曼可愛童年照曝光：罕見的走光照

佘詩曼1997年參加香港小姐奪季軍，同年簽約TVB加入娛樂圈，演藝事業一直平步青雲。

早前阿佘在其社交網站發布一張童年照，並寫道：「Being a kid and growing up is such a cool part of life. (小時候及成長是人生中最酷的一部份）」還Hashtag了「罕見的走光照」。相中看到小時候的她留了平陰，身穿紅色連身裙，手持樹葉，Baby fat的阿佘非常可愛，而且外表都沒有太大改變。

佘詩曼爆浴缸放滿黃色鴨仔原因

佘詩曼上大S節目時，就公開自己平日喺屋企起身去浴室會做嘅事，見到原來阿佘會邊吹頭，邊食早餐，睇嚟藝人生活唔易做！

節目還原咗阿佘屋企浴室1:1嘅畫面，除咗見到阿佘個浴室好大之外，仲見到浴缸旁邊擺放咗好多黃色鴨仔，原來呢啲鴨仔對佢嚟講係關於一段好重要嘅回憶！

據阿佘所言：「反正無聊就放在水裡面動一下，因為我記得小時候不愛洗澡，那個是我爸爸第一個送給我的禮物。因為我對我爸爸印象不多，所以現在看見那個小鴨子就會想起我爸爸送給我。」，原來係同已經過身嘅爸爸有關。

「我跟我媽媽很親近，因為我爸爸在我五歲的時候已經離開了，就我跟媽媽的感情特別好。就是我那年五歲的時候我知道我爸爸車禍去世了，但是那個時候不知道甚麼是死亡，反正我知道他永遠不回來了。從那時候媽媽一直陪睡覺，陪我到外國唸書。」

所以黃色小鴨子就係依家阿佘對爸爸僅餘嘅記憶之一，而媽咪則係一路上最大依靠。

擇偶3大條件

阿佘雖暫時依然單身，但面對親戚朋友催婚，佢就會以：「就很快了很快等著。」，再一笑置之，就連主持人大S都話呢個方法係有效嘅！

講到另一半需具備咩條件，阿佘就話：「反正有共同的話題，還有我覺得我欣賞他是最重要，要崇拜他就覺得他是最好的。我不喜歡人家幫我斟茶遞水的，我喜歡男人一點的，我覺得每一個女生都想就是有一個肩膀可以回去就靠一下，然後不開心的時候也可以跟他撒嬌。」，希望阿佘可以早日遇到理想另一半！

佘詩曼 10套經典古裝劇重溫

其實除咗《延禧攻略》之外，一向好戲嘅阿佘仲拍過唔少古裝劇，包括《金枝慾孽》、《宮心計》等，都成為劇迷心目中嘅經典之作！

1. 99年《雪山飛狐》

97年奪得港姐季軍後，佘詩曼在99年處女拍劇即擔正做女一，飾演由金庸武俠小說改編嘅《雪山飛狐》女主角苗若蘭，當年嘅青澀樣貌竟同近日佢飾演嘅廿幾歲嫻妃相差不遠。

2. 00年《碧血劍》

拍完《雪山飛狐》，翌年佘詩曼再演金庸名著《碧血劍》，飾演女主角阿九 (長平公主)，與林家棟有感情線。

3. 01年《倚天屠龍記》

吳啟華版嘅《倚天屠龍記》，由佘詩曼飾演周芷若，黎姿演趙敏，原來兩人喺《金枝慾孽》前已演過情敵。

4. 03年《帝女花》

與陳豪、馬浚偉主嘅古裝劇，當年嘅佘詩曼仍有包包面，女二有郭羨妮。

5. 04年《金枝慾孽》

04年《金枝慾孽》可說係佘詩曼嘅代表作，亦成為宮鬥劇中嘅經典，當中佢飾演嘅爾淳為達目的機關算盡，最後卻同侍衛陳豪終成眷屬，happy ending。

6. 06年《覆雨翻雲》

同林峯主演黃易武俠小說改編電視劇《覆雨翻雲》，飾演慈航靜齋嘅秦夢瑤，打扮仙氣十足！

7. 06年《鳳凰四重奏》

《鳳凰四重奏》中佘詩曼一人分飾四角，憑精湛演技首奪最佳女主角獎，升呢視后。

8. 07年《鐵咀銀牙》

飾演牙尖咀利女狀師，與陳小春及謝天華大玩三角戀。

9. 09年《宮心計》

劇中飾演「做好事、說好話、存好心」嘅「劉三好」，至今仍為觀眾所熟識，亦是其代表作之一。

10. 10年《公主嫁到》

《公主嫁到》係佘詩曼喺無綫最後一部古裝劇，劇中佢飾演氣勢凌厲嘅公主，同陳豪繼做一對鬥氣夫妻，大受好評！