【親子好去處】香港仔風味足料艇仔粉@鴨脷洲
撰文：大仁生活 ｜編輯：Sunday Kiss | 圖片來源：大仁生活
碩果僅存的艇仔粉
前一天朋友Erie說：「你有冇流叔電話，打畀佢問清楚星期日開唔開先好啲。」流叔有Facebook，上面有電話號碼，不過寫明不會用Whatsapp，所以預先碓定了開艇，我們才安心過香港仔。
原來，因為牌照關係，香港仔艇仔粉買少見少。流叔是不是唯一的一家我不知道，但肯定是最潮（因為有Facebook），最方便（打電話就可以Confirm到位置及營業時間）。
我們到逹香港仔海旁，第一時間致電流叔，電話傳來忙著的流叔回答：「我係鴨脷洲嗰邊，忙緊，過唔到返嚟，你過嚟好嗎？」（我們回答：『哦！』）
於是我們便乘坐$2.2的舢舨，過對面鴨脷洲。SY：「爸爸！我去澳門好驚坐船，因為會暈船浪，今次唔驚啦，佢仲短過天星小輪！」
大約2-3分鐘的船程，真的坐位還未坐暖便已經到達。
當然到岸後，我們又第一時間找流叔，原來他就在碼頭的左手邊不遠處，即市政大樓對出海岸。
當時見流叔剛剛煮好了兩碗，交了給旁邊漁家，之後流叔問我：「係咪你頭先Call 我？（係呀！）你哋食幾多碗？ （兩碗！）」
流叔一邊煮粉一邊問：「做雜錦好唔好呀？（好！） $30好唔好？ （好！）」
我問正在以純熟手法切食材的流叔 :「我哋會有咩餸呢？」
流叔：「雜錦有…叉燒、魚蛋、牛腩、豬肚、豬頸肉。」（正喎！）
完成後，流叔望望我們6人問：「2碗夠啦？」（夠啦，因為我們下一站又是食:) ）
說時遲那時快，流叔與我們交收了兩碗艇仔粉後，便說：「我要過對面煮啦，拜拜啦！」（Er…點解頭先你又唔過去香港仔嗰邊？要我們過嚟食嘅…)
阿太：「咁可能人哋要20碗，你先叫2碗，畀我都唔Show你啦！」（咁又係！）
Raymond：「啲河粉好滑，好入味喎！」
SY：「我鍾意食流叔魚蛋！」；阿太：「但得一粒魚蛋。」；Erie：「係喎，我仲以為水上人全碗都係魚蛋、魚肉添， 點知係豬肉、牛肉。」（應該係水上人食魚食得多，厭咗,，所以就食豬、牛掛。)
大地魚煲出的湯頭，軟一般店舖的為濃郁及香甜，$30大大碗，還有5款餸，椅在海旁進食又真的很有風味。
阿太：「如果坐係艇上面食一定仲有風味！」；我：「好簡單，我哋畀多$2.2坐返隻舢舨返香港仔，咁你係舢舨先食碗粉咪得囉！」（嘻嘻！）
▶️出沒位置：香港仔沿海旁及香港仔漁市場一帶
（不固定，建議食粉前打電話確認流叔出沒位置。）
▶️營業時間：早上10:00 – 下午16:00
▶️電話：9140 2628 （不會使用Whatsapp）
