54歲周海媚公開6個凍齡保養大法 一個原因不婚不育、積極行善
周海媚患紅斑性狼瘡 堅持不婚不育
周海媚1985年參選港姐入行,期間演過多套經典劇集,如《流氓大亨》和《倚天屠龍記》等,直至1989年憑《義不容情》嘅李華一角一炮而紅,成為當紅花旦之一!
出身滿清八大姓氏
周海媚曾在一訪問中表示,雖然生於香港,但原來佢祖先係滿族鑲白旗人,於清朝當五品官,係廣東話事人,認真巴閉!而其真正姓氏係「瓜爾佳氏」,係滿族八大姓氏之一,當時好多後宮的有名妃嬪皆出於此姓氏,海味笑言,如果佢出生於清朝,可能真成妃子!
曾「嫁」呂良偉
1988年,周海媚剛出道三年,尚未走紅,就與80年已因《上海灘》爆紅嘅呂良偉飛到美國拉斯維加斯秘密註冊結婚,但短短五個月後就因性格不合離婚收場,不過周海媚話後來先知兩人當時並未完成結婚手續,所以根本結唔成婚。90年周海媚拍《回到未嫁時》曾與黎明傳緋聞,更有指黎明曾介入佢同呂良偉婚姻。1994年,周海媚被指與游泳教練、演員林偉亮拍拖。1997年,周海媚到日本拍J-Phone廣告,有傳撻著人夫永瀨正敏,導致2002年永瀨正敏與老婆小泉今日子離婚。1998年,迪生集團執行董事伍士榮向周海媚展開追求,直至周海媚染上紅斑狼瘡症,兩人於1999年分手。2000年,周海媚被爆與曾任亞視助導嘅周家文展開姐弟戀並同居,但兩年後亦是分手收場。
自爆不育原因
周海媚在1998年時曾不幸罹患紅斑性狼瘡,為養病暫退螢光幕。幾乎絕跡香港娛樂圈,僅靠廣告賺收入。由於該病經常復發,導致她錯失兩段良緣。到了49歲,她接演范冰冰投資的古裝大戲《武則天》中的楊淑妃一角,再度爆紅。
周海媚曾直言:「我係一個愛自由嘅人,唔鍾意俾人管,同埋我覺得冇需要結婚,況且我又唔想要小朋友。」其實周海媚本身非常鍾意小朋友,但不育原因佢自爆謂:「我十幾歲時發現天生血小板過低,醫生同我講,如果以後生育的話會有生命危險,會大出血。」所以周海媚老早就放棄生BB的念頭,改爲助養小朋友,多年來佢哋喺内地「希望之家」兒童福利院助養,甚至捐助小朋友做手術,將母愛獻俾有需要嘅兒童,一樣咁偉大!
周海媚6個逆齡保養祕訣
現年54歲的周海媚保養得宜,被封為「凍齡美魔女」,早前在北京央視演唱《倚天屠龍記》主題曲,凍齡外貌再度引來網民熱議。為了保持完美的容貌跟身材「讓時光才能走慢點」,周海媚對日常飲食、運動都自有一套,更曾在訪問中透露簡單的保養秘訣!
1. 每日喝一杯咖啡
周海媚早年曾透露戒牛肉,其它食物就不會特別戒口。而且維持着每日喝一杯咖啡的習慣,可促進血液循環,對心血管對有助益。
2. 蘋果、雪梨煲湯
香港長大的周海媚,從小就常喝媽媽煲的湯。現在常居北京,也保持着飲煲湯的習慣,買現成湯包加塊肉就ok,冬季飲補湯,夏季飲清熱湯,喜歡加雪梨和蘋果來滋潤皮膚
3. 溫熱水洗面
在沒有工作,不出門的日子,周海媚早上會先用溫熱水洗面,之後臉上完全不上保養品,在睡前才會抹保養品,這樣是想要讓皮膚偶爾能自在吸呼。
4. 早睡早起 飲果汁養皮膚
除了早睡早起,晚上10點就會就睡,早上也會喝新鮮番茄汁、奇異果汁,或是一杯檸檬水,保持肌膚光澤。
5. 溜狗是最好的運動
雖然有學過瑜伽,但周海媚也表示並沒有堅持着運動習慣,反而是因為家中有養狗,所以會定時溜狗,而家中狗狗也是她現在最親近的家人。
6. 甚少搽防曬用品
因為周海媚覺得自己天生「擦了防曬品也沒用,會一樣黑」,加上防曬品一般都很太油,上粉困難,所以即使在烈日下拍戲,周海媚也少刻意塗厚厚一層防曬品,只會是「可能我保養品里有一定防曬成分吧!」
參考資料:衛生處網頁