【恭喜晒！】郭富城宣佈太太再誕女：今天我很開心
撰文：Kammy｜圖片來源：Instagram
郭富城宣佈太太已誕第二胎
今日郭富城就上載2張相到社交網站，宣佈太太已誕第二胎。其中一張就係一家四口嘅拖手相，更以英文「Welcome Home Baby」嚟迎接第二胎嘅來臨！
再誕小公主
郭富城表示：「今天我很開心，特別的日子。向大家分享我們家的小喜訊：就是Chantelle 當姐姐了，二寶健康可愛，媽媽辛苦了！今天起…我們一家開開心心四人行！再次謝謝大家一直的祝福。。感恩😊😊👶🏻👶🏻❤❤」雖然郭富城未有公開BB性別，但佢嘅經理對外宣布，今次郭富城都係生女，而名就未改，暫時叫住佢做「二寶」，恭喜晒！
延伸閱讀：郭富城方媛攬到實高調放閃 過二人世界
郭富城 目標生四個
兩年前奉女成婚的郭富城，由無腳雀仔變成人夫 人父，人生從此改寫，以前不喜歡透露私生活的他，現在常把老婆方媛及囡囡Chantelle掛在嘴邊，早前宣布再 做爸爸，興奮迎接第二胎。早前情人節，郭富城與方媛一 起外出，當時已陀住六個月B的方媛差點跌倒，幸得他 拖實老婆，郭富城回應時表現緊張，坦言已叮囑方媛最好盡量避免去人多的地方，不過大肚婆想出外走走，作為 丈夫當然要貼身照顧。郭富城對第二胎性別繼續保持神 秘，只笑住答：「我目標係生四個BB，一早已經問定朋 友取經，以免第日啲小朋友爭寵。」
當時快做第二任爸爸的郭富城，每次現身都風騷兼健談，他指囡囡非常好動，整天跑來跑去，十足自己的迷你版，郭富城更揚言到時會抽時間陪太太分娩。
嫲嫲恨抱男孫
郭富城是孝順仔，成家立室也是想母親開心，近年城媽年事已高，很想看到郭富城為郭家繼後香燈，看來這心願很快達成。
成功生仔有獎賞
自從為郭富城誕下女兒後，方媛母憑女貴，要風得 風，而城城更花多了時間照顧家庭，不時帶方媛出席公 開場合及出外拍拖。31歲的方媛除了肯為城城開枝散葉 外，對女兒的照顧及教育都不遺餘力，這點更讓郭富城非常欣賞。據知情者透露：「Moka（方媛）能夠坐正做城 嫂，因為佢肯低調同口密，城城亦一早講明阿媽年紀大 又恨抱孫，所以急住生B，Moka話冇問題生幾個都 得，所以一知道有咗就結婚。生完個女城城變得黐家，返屋企見到個女開心到不得了，Moka好識教個女 氹爹哋，佢真係親力親為照顧囡囡，未夠一歲已經問人取經報Playgroup同幼稚園，城城近年為咗巡演真係忙爆，屋企嘢都交由Moka負責。老婆話咁快就有第二胎，追仔在望嘅城城當然開心，未知性別時已經話如果生仔就重重有賞，不過獎啲咩就唔知喇！」
陀七個月肚出活動
方媛由內地模特兒變成天王嫂，日前受邀出席名牌護膚品活動，與梁洛施同場，身價與地位都今非昔比。
誓除四大岳父之名 轉擺金龍多子陣
生兒育女天注定，不過多年來郭富城篤信藏傳佛教，不時拜會法王求福，他亦深信風水對家宅及事業會有幫助，17年方媛懷第一胎，他已請高人指點，在其大坑寓所布下追仔陣，除了在室內擺放風水陣外，在天台亦放了九條青龍、四大天王及一對瑞獸，據知這個「九青龍追仔陣」除了可保家宅平安外，更旺丁旺財兼擋煞。近年郭富城與黎明先後生女，四大天王被指升呢做「四大岳父」，全因天王中無人能打破宿命生仔，為此郭富城耿耿於懷。知情者說：「城城係傳統大男人，點都想生仔，再加上郭媽媽好恨有男孫，所以城城都同 Moka講明要生到有仔為止，Moka年紀唔算大，仲有十年八年時間畀佢去博，而且佢本身都鍾意小朋友，城城又養得起，生一隊足球隊都唔成問題啦！城城搵高人睇咗多年風水，雖然都批佢命中會有仔，但穩陣起見都係擺啲陣加強自己信心。」本來郭富城寓所已有九條青龍助追仔，但最近他已加強風水陣，把九條青龍換上金龍，據知金龍法力比青龍更強，現在轉擺「金龍多子陣」，望能為郭富城早日達成生四個的目標。
喜迎第二胎
53歲的郭富城與31歲的內地模特兒方媛2017年拉埋天窗，囡囡 Chantelle已歲半大，第二胎亦快將登場，有女萬事足的郭富城經常將愛女掛在嘴邊，母女二人令郭富城變得修心養性。
歲半Chant 返Playgroup
日前方媛親自湊囡囡由大坑寓所過海到紅磡返Playgroup ，歲半的Chantelle穿上粉紅裙仔非常可愛，方媛一身運動服加黑超，城嫂現身惹來其他家長注目。
郭富城被細22年的方媛降服，由不覊天王變愛妻號，一有時間就 製造機會冧妻，不會只視老婆為生仔機器，而方媛亦做好老婆與媽 媽的本份，雖然母親由國內來港長駐幫手湊B，但她絕大部分時間都親力親為，不時在社交網大晒與囡囡外出玩樂的照片，日前腹大 便便的她更湊女過海返學。
四人侍候返學
天王女返學由媽咪方媛帶隊，有司機專車接送，外婆負責由寓所抱上車，有外傭跟身，雖然冇保鑣但都幾大陣仗。
延伸閱讀：陪方媛返娘家探親兼設宴！郭富城開心抱住女女巡迴敬酒 放低天王身段勁親民
堅持陪女上堂
當日下午一時，方媛叫定司機與七人車在寓所樓下等候，帶埋外傭與母親，一齊送囡囡Chantelle前往紅磡返Playgroup，雖然還有個多月就生得，但方媛四肢仍纖 瘦未見水腫，她還堅持陪住囡囡上堂，一個半小時的課堂要不時扶住未行得好穩的 Chantelle做活動，對大肚婆來說都幾吃力。放學時方媛單身抱住囡囡行出學校，外 傭即時跑上前接應，方媛才能稍作休息。現場所見，歲半的Chantelle皮膚白晳似母 親方媛，五官及精靈表情似爸爸城城，出外從不扭計非常惹人喜愛。
31歲方媛 三年抱兩
這日方媛全程陪女上堂，放學後外傭接力抱女，三年抱兩的方媛陀住七個 月B，相比起第一胎，這次她陀得非常輕盈，手腳及面容完全沒半點水腫。
谷女入名校
郭富城與方媛的愛巢位於港島大 坑，港島區有名的Palygroup多的 是，但方媛偏偏為囡囡報讀紅磡的 「PEBBLES」，有指該校與九龍塘 名校St.Catherine有聯繫，學生能 入讀St.Catherine及維多利亞幼稚 園機會大。方媛並非在港長大，相 信為囡囡未來讀書鋪路都取過不少 經，似有意谷女入名校。
53歲的郭富城現在每次提起女兒Chantelle時眉梢嘴角都流露笑意，他指囡囡是自 己的迷你版，平時在家會教她跳舞，笑言囡囡已經識跟著跳Para Para，令他非常驕 傲，並謂要把囡囡培育成一個優雅的淑女。對於變成愛家男人，他說：「依家最重 要係享受一家人一齊嘅感覺，呢個感覺係有咗小朋友後先出現，入行後，好多時候 都係自己一個人食飯，同父母好少見面，依家唔同晒，我諗起以前讀書時，爸爸唔使返工都一定會返屋企 食飯，依家先明白佢點解盡量爭取時間同家人一齊，我 依家一收工，或一飛返香港，都盡量返屋企見屋企 人，唔會周圍去玩。」郭富城要靠方媛去完成生夠四個同追仔的心願，當然要對老婆好同負責任啦！他更已預留 時間陪方媛入產房生第二胎，親自為BB剪臍帶，大有 機會見證打破「四大岳父」之名嘅歷史時刻。
岳母長駐湊孫
自方媛懷第一胎，其母便長留香港照顧，去年10月，方媛與囡囡、父母及外傭一起外出，去到海洋公園卻過門而不入，而當時肚凸凸的她已懷有第二胎。
郭富城愛屋及烏，去年在其寓所一樓租下一個連平台的單位，讓岳父岳母在香港有個舒適居所，亦方便照顧孫女。
早前方媛盛裝打扮出席慈善活動，當時她仍未公開宣布懷第二胎，依然穿上 四吋高踭鞋，愛靚唔愛命。
Book定養和頂級房
身為城嫂的方媛現 在身嬌肉貴，追仔在望的郭富城早已 book定養和的頂級私家房，並向經理人小美請定假要陪產。
九條金龍 加強法力
郭富城多年來都在家中天台布風水局，之前放 了九條青龍、四大天王及兩隻瑞獸，吳佩孚師傅 表示此布局既旺丁又旺事業，因為九這個數字對 中國人來說是好有利，龍生九子，有利生仔。而青龍本身主貴人，正所謂九五至尊，對其事業都好有 利。四大天王則是佛教護法神，有護衞利宅的作用，可以保護屋企人。到最近，本刊記者發現郭富城的風水陣有變，青龍已換成金龍，吳佩孚說：「這陣乃主力求丁求子，屋嘅左方為青龍方屬陽主男 丁，九龍陣乃納陽極之數，相傳龍生九子乃多子之聖獸主祥瑞，由法師重新置上開光嘅金龍法力會更 強，風水神獸每年開光或施法，會令其凶性效力更 好，所以城城今次八成會生仔。」
舊陣
新陣
城堡位於大坑半山，郭富城所住 的頂樓連天台坐擁無敵靚景，為方便岳母長駐香港湊 孫，早年更在一樓租多個連平 台的單位。
晒女為樂
方媛不時在社交網上載與囡囡外出的合照，早前更與女同遊主題公園，雖然只是影背面或以貼子遮眼，但睇得出她非常享受湊女的樂趣，願意花時間陪女。
活躍好動
郭富城口中的囡囡，遺傳了他的音樂與舞蹈 天份，在方媛上載的兩條短片中，亦可看 到Chantelle喜歡彈琴及跳舞，盡顯活潑可愛的一面。
郭富城放下天王身份，陪老婆帶女返鄉下補擺酒宴國內親友。
去年中兩公婆撇甩個女拍拖，拖實食宵夜任影唔嬲。
去年聖誕節，郭富城箍實方媛街頭恩愛自拍，被方媛公開讚自拍技術有進步。
今年情人節郭富城送花畀老婆，方媛在社交網捧花放閃。
