【白色強人】朱智賢自爆曾被胞兄打 望與對方互相尊重

撰文：Sunday Kiss｜圖片來源：朱智賢Instagram，Youtube截圖

朱智賢在《白色強人》中被老公虐打

朱智賢在劇中飾演新聞部總監，經常以新聞之名為郭晉安造勢，協助他去推行醫療改革，這種協助已遠遠超越朋友的關係。在最新一集中，朱智賢因被劇中老公張達倫虐打，去找郭晉安治療傷勢，而令老公誤當郭晉安是第三者，更憤然要推倒其醫改陣營。

現實中疑遭家暴

現年32歲的朱智賢，於2017年曾自爆被哥哥打。當時她在Facebook上載一張有「Pathetic」（意即可悲）字眼的圖片，留言表示一個三十幾歲的男人仍然覺得暴力可以解決問題，實在好可悲，又表示不會容許這種事發生，最後更稱「有必要我一定會報警處理，絕不姑息」。

朱智賢：有個咁嘅阿哥真係家門不幸

事隔一日，朱智賢在社交網站上載一張自拍照，雖然只得半邊面，而且看不到眼睛，但見到她鼻子通紅，感覺上看似剛哭過，加上嘴附近更有數處疑似瘀傷！朱智賢當時亦發表一段長文分享感受：

有個咁嘅阿哥真係家門不幸 由細到大成日比佢打 拳拳到肉 細個咩都唔識 剩係識喊 到大個咗 睇住佢問候阿媽祖宗18代 不知幾想鬧返佢轉頭 不過唔想多管閒事
啲人成日話父母有責任 我覺得佢已經35歲人係成年人 已為人父都唔識做人真係好悲哀
好多時我忍讓係因為唔想爸爸難過 但唔代表我會忍一世
最後我想講 我真係好傷心有個咁嘅阿哥
PS:喺度希望天下嘅兄弟姊妹相親相愛互相尊重

朱智賢曾表示，與哥哥關係生疏，曾因二人打架而多年來沒有聯絡。後來，她因沒有回應哥哥WhatsApp，而受到對方恐嚇及騷擾，令她受驚不能入睡。當時朱智賢將事件交由爸爸處理，而她就搬到友人家中暫住，不少網民都紛紛向她送上關心。

貼心照顧患病愛犬

朱智賢養了一隻愛犬冬冬，現時已經12歲，已踏入老年的階段。去年，她的愛犬突然暈倒，發現冬冬原來患有心臟病。為了不讓愛犬的病情變壞，朱智賢每日都耐心地餵牠吃藥。雖然十分花費精力，不過朱智賢都不介意，陪伴牠勇敢對疾病。

朱智賢撇男友箝謝東閔

朱智賢（Ashley）於2013年參選港姐，與陳凱琳及蔡思貝同屆，惟當時未能入圍決賽，落選後佢簽無綫並入讀訓練班，憑高佻及豐滿身材出位。Ashley早前在J2台旅遊節目《3日2夜》遊台中浸溫泉，先後換上兩套比堅尼大騷32C、23、35噴血身材，成功彈出，近年被安排主持不少旅遊及綜藝節目，節目幾受男觀察歡迎㗎！

秘戀餐廳老闆

有胸又有腦的朱智賢 一副戰鬥格，去年被踢爆與Lobster Central餐廳其中一位老闆Derak秘密拍拖兩年，餐廳開張後，朱智賢以半個女主人身份現身支持，見男友被大班女仔圍住影相，她即縞實男友手臂宣示主權。當時她更坦白承認戀情，表示與男友拍拖已一段時間，感情都好穩定。

寓工作於拍拖

不過，近年朱智賢卻與「巨聲幫」的闊少謝東閔愈行愈埋，早前Ashley與謝東閔早前一齊拍《Big Boys歷險記》，在記者會上二人合照有默契笑晒。談到在節目中探險有緋聞男友謝東閔貼身照顧，怕黑的Ashley卻聲稱唔需要勞煩佢。

覓食斷正 融入朋友圈

朱智賢與謝東閔矢口否認拍拖，但早前卻被粉絲當場斷正，二人與友人在餐廳醫肚，當時謝東閔對女友照顧周到，一碟嘢兩份食。身為crazy runner成員的謝東閔，曾帶埋Ashley出席在胡諾言家中開的聚餐，可見二人拍拖已是不爭的事實。

朱智賢 姣黐謝東閔

據知Ashley入行前做過空姐，目標為本只吼有錢仔，佢識Derak時以為對方有家底，之後發覺Derak只係餐廳一個小股東。後來因為做嘢同謝東閔混熟咗愈行愈埋，有段時間仲一腳踏兩船。Ashley計過度過，謝東閔有錢咁多，梗係唔放過啦！

後來Ashley同Derak正式分手，同謝東閔更加唔避忌，謝東閔不時揸車接女友放工，又成日孖住出席圍內朋友飯局。早前兩個一齊拍《Big Boys歷險記》，不時去荒山野嶺拍外鏡，據知Ashley成日捉實男方，喺電視城兩人嘅關係都半公開！Ashley份人又好進擊，成日有意無意向Brian提結婚，不過男方連公開戀情都未肯，睇嚟冇咁快畀Ashley夾到。

豪放女唔錫身

朱智賢參選港姐前曾經做過空姐，之後在一間財經公關公司做公關，加入無綫後毫不吝惜身材，拍節目着三點式當食生菜。現實生活中的她亦好豪放，不時穿bra攬狗晒床照，又或者只圍浴巾出鏡一樣冇所謂。不過無綫有身材有條件的小花多的是，朱智賢為將來釣金龜亦無可厚非， 謝東閔向來甚有女人緣，未必會為一棵樹放棄整個森林，Ashley等吓啦！