孕婦吸入催淚彈煙霧個肚「嗱住嗱住」
撰文：TLY ｜ 資料來源：綠惜地球 The Green Earth
孕婦吸入催淚煙個肚「嗱住嗱住」
綠惜地球 The Green Earth 在Facebook 發文，日前訪問住旺角警署附近育有兩名子女，懷有5個月身孕的媽媽，有關連月受催淚彈影響的生活。她表示：「兩次在回家途中遇上催淚彈，翌日小朋友流鼻水，6歲的妹妹頭暈發燒，3歲的弟弟發燒⋯⋯成晚個肚『嗱住嗱住』，腳仔(胎兒)係咁踢，好驚！但係更驚係佢唔踢⋯⋯即使唔出街，在家緊閉門窗，煙霧還是『攻』得入室內，所以也要戴口罩⋯⋯」
警方不合理做用催淚彈
她認為不是一刀切禁用催淚彈，但起碼要用得合理，她曾見過警方在沒有示威者街上放催淚彈，又罔顧小朋友安全，在下午小學及幼稚園放學時段放催淚彈，亦在照顧留宿的孤兒的香港保護兒童會前放。
她：「(差人)係咪可以確保催淚彈影響唔到小朋友？」她無助下，曾打過999，結果話筒另一端回答：「(催淚彈)又唔係我放，你打去警署啦！」
四腳蛇吸入催淚煙死亡
昨晚(12日)，警方再次放催淚彈，而煙霧還是傳入屋內。她家中發現一隻四腳蛇昏倒，把牠送出樓梯口。「當時仲郁嘅，後來送咗出樓梯，希望佢頂到，不過成隻都青青地⋯⋯今朝出門仲係度，瓜了！」
食物及衛生局長陳肇始承認，政府對警方目前使用的催淚煙成分「了解有限」。
綠惜地球：特首及其管治隊伍不要再迴避責任
綠惜地球表示，警方濫用催淚劑和顏色水已到了失控程度，無論對公眾安全及環境都構成威脅。我們促請當局嚴謹遵守使用守則，同時促請各方克制。事實已經擺在眼前，武力根本解決不了政治問題，我們嚴正要求特首及其管治隊伍不要再迴避責任。
反修例事件至今近5個月，自6月起警方已使用催淚彈驅散群眾，催淚煙四起，而隨著局勢愈趨激烈，警方自7月中幾乎每個周末也放催淚彈，社會上因而有「催淚彈放題」之稱，而施放的地點愈來愈接近民居，令一般市民也受影響，即使在家中也會受催淚煙波及。衞生署終在11月7日（上周四）公布處理催淚煙資訊資訊資訊。
