下流上車族3點受好評！江美儀51歲黑絲誘惑 曾落淚剖白失婚之苦＋分手真相

《下流上車族》3點大獲好評 51歲江美儀黑絲誘惑

《下流上車族》講述2008年金融海嘯，超市經理車志明（林敏驄飾演）慌忙賣樓，誰知狂追樓價14年也未能再上車。妻子莫雯慧（江美儀飾演）憶樓成狂，連凶宅單位也不放過。她到豪宅當鐘點女傭，拍照上載社交平台，令表妹覺得自己還在住豪宅。大女車芊芊（郭柏妍飾演）、細女車蔓蔓（羅毓儀飾演）分別出國體驗生活與留學，莫雯慧與車志明二人世界，莫雯慧上演黑絲誘惑，卻被車志明的兄弟（鄧智堅飾演）登門打擾，更說要借宿暫住。

網民紛紛大讚林敏聰式無厘頭搞笑位很正，節奏又輕快：「帶條黑摩利去睇樓，呢吓好好笑⋯⋯」；故事情節貼地：「噚晚嗰集又貼地又搞笑」、「好正好好笑，亦帶出現在社會問題」、「近期入戲院睇嗰啲幾千萬票房，都無咁好睇！」；男女主角演技好，有火花：「主角唔一定靚仔靚女後生有型」、「江美儀好戲，套劇有創意，好過《美麗戰場》」、「如果唔係江美儀，真係諗唔到邊個適合做」、「估唔到林敏聰做得好自然，唔會好浮誇，但又有爆肚笑話」。

江美儀落淚剖白失婚之苦＋分手原因

江美儀 曾與Bob林盛斌主持TVB J2節目《Mean Talk》，每集都會邀來星級嘉賓，要對方大膽坦承真話，包括入行以來最委屈經歷、最匪夷所思娛圈秘聞。本來江美儀要嘉賓單立文與滕麗名放下底線被Mean，怎料反被單立文追問與吳君祥離婚的內幕，問她與前度吳君祥（吳君如胞弟）分開時，有沒有受到很大刺激，他聲音顫抖地解釋：「大家好關心你，但又唔敢騷擾你，我哋驚會觸動你好多情緒，但又驚你頂唔順，我哋好難受。我覺得你背後自己承受好多嘢，唔會同我哋講。我真係覺得你點解咁傻？點解要孭起咁多嘢呢？同我哋講吖嘛！又唔係唔熟！咩都講我哋，你知唔知啫？」而膝麗名亦有拍她肩膀叫她加油。

江美儀憶起往事，終忍不住在鏡頭前落淚，在鏡頭剖白分手原因：「我無嘢㗎喇依家……我都唔知可以同邊個講吖嘛……有時兩個人相處去到要離婚，未必係一件事發生咗，可能係一路積累，積累到覺得，我嘅人生係咪應該繼續落去。兩個人傾完之後覺得，可能分開仲好啲喎，所以最後就分開。」

之後她又訴說失婚之苦：「其實你哋知嗰時已經好後，呢件事已經發生咗好耐。最近我經理人同我講，我係一個唔識釋放自己嘅人，樣樣嘢都自己吞晒，你唔好見我咁剛強，都有人蝦我…算喇，我好似好開心，其實唔係真係咁開心。」她又指自己疫情期間沒有工作，很辛苦，留家獨處時常常想不開，幸好現在多了工作，讓她有個寄託。單立文鼓勵她以為有甚麼煩惱都要跟他傾訴：「做朋友就係咁，互相扶持，唔通落井下石咩。」

曾吳君如弟吳君祥瞞婚

江美儀曾與吳君祥拍拖11年，18年宣布分手，惟被傳媒發現二人早於2006年在美國結婚，兩年前已離婚，後來一直瞞婚。風波愈捲愈大，江美儀曾上《東張西望》哽咽向大眾道歉，解釋分手後受盡情傷，要時間適應：「我要同咁多位講唔好意思，對唔住。我有情緒病，一分手就要面對記者肯定處理唔到…我平靜到同大家講呢件事會好啲。」

多年來，吳君祥都在大陸發展，曾被拍到與女星嚴淑明密會，但江美儀接受傳媒訪問時澄清對方只是應酬，二人分手是因步伐不一致才會變回朋友。被問到愛情觀，她指男人不用管，所以自己從不對男朋友黑面，更加不做「奪命追魂Call」、查行蹤等行為：「男人唔係要去征服，而係令佢識得點疼錫你，要點令佢做到咁，就係自己本事。」

現年江美儀51歲，依然單身，她表示經歷過多段失敗，很清楚永遠不能滿足另一半所有要求，所以寧願愛自己。