【海綿寶寶出沒】海綿寶寶泡泡夏水祭
其實小小豬都幾鐘意海綿寶寶，因為姨姨係海綿寶寶嘅粉絲，屋企有好多大大細細嘅海綿寶寶公仔，每次返公公屋企小小豬總係鐘意入姨姨房攪攪陣，將海綿寶寶反轉再反轉，所以就對海綿寶寶有左情義結啦！
原本我都15/16諗下帶唔帶小小豬嚟，始終驚佢玩到傻左返學又嚟攪事，不過小小豬一聽到嚟同海綿寶寶玩，佢對眼即刻心心眼，咁佢又答應我玩完之後會返學乖乖，所以就嚟玩下啦！
我地首先就去大堂嘅SpongeBob沙漠影下相先，小小豬一見到屋菠蘿屋就已經好興奮，仲問我海綿寶寶係咪住係沖繩，睇嚟佢經過早前旅行經歷，已經將菠蘿沖繩扣埋一齊啦….哈哈哈~
同海綿寶寶齊齊玩過山車~
另一個小小豬鐘意嘅位就係依個雪糕車~
睇佢古靈精怪就知啦~
滿場飛嘅小小豬總之一見海綿寶寶就攬住嚟影相~
就連好友派大星、蟹老闆及太空人小狗都唔放過呀~
小小豬期待左好耐嘅時刻終於來臨，海綿寶寶出嚟同佢玩遊戲啦，睇佢拖住手仔個樣幾開心~
當然唔少得正正經經集郵啦~
就係依個時候，SY哥哥嚟左，可以齊齊去玩啦~
之後我地就去L3嘅限定POP-UP Store八卦下先~
有好多唔同種類嘅海綿寶寶精品~
小小豬睇中左支水槍，好….下次帶DADDY嚟先買啦~
之後我地就轉戰L3樓層戶外兒童遊樂場，因為變成左海綿寶寶夏日玩樂專區 – 「海綿寶寶泡泡夏水祭」。場內設有四大遊戲，只要係L3樓層內以電子貨幣係任何商戶消費(真係可以話係L3 FOOD COURT買支水都可以呀)，就可進入遊戲區內體驗任何兩款遊戲~
兩個小朋友先嚟鬥捉水母，原本係用魚竿捉水母，不過玩玩下就直頭用手捉，兩個小朋友都話涼浸浸。緊係啦…有得玩水就最開心啦~
仲可以重捶出擊打漢堡，小小豬就唔多夠力用捶打，不過就用捶都叫可以啦…呵呵呵~
嚟到最吸引嘅遊戲，就緊係依個海綿寶寶彈床，入面有得彈彈床、滑梯同埋射籃球，簡直係可以盡情放電呀~
小小豬同SY係入面都玩得不知幾盡慶呀~
最後一個遊戲就係撐船仔，之前小小豬都玩過幾次，所以完全自我地係水池中撐來撐去~
兩個小朋友玩得超級興奮，不過幸好小小豬仲記得要返學，所以玩晒四個遊戲之後就自動自覺話離開要返學。好呀….見佢咁乖仔，下次有得玩就再帶埋佢去啦！
More Information :
海綿寶寶泡泡夏水祭
日期︰7月9日至8月28日
時間︰12nn-10pm（星期一至五）、10am-10pm（星期六及日）
Website：http://www.moko.com.hk/
Facebook：https://www.facebook.com/MOKOHONGKONG
