麥明詩VS 郭藹明 網民:有咩好比?

在10,967投票結果中，郭藹明得票8,573，而麥明詩得票426，顯示網民認為郭藹明是港姐冠軍中的冠軍！不過好多理性的網民表示：點解要拎嚟比較？人比人比死人啊！

有網民話，麥明詩讀書叻係事實，就算形象幾唔好，都唔可以抹殺人哋嘅努力！（中肯！）

網民表示兩個都鍾意，亦中肯地指出NASA好難入（雖然郭藹明早前已公開否應曾於NASA工作），10A亦都唔容易考！點解要比較？

不過小編認為最持平嘅一定係以下呢個留言！

麥明詩得20幾歲，佢人生經歷過嘅野，點可以同一個比佢年長的郭藹明比較？人生根本有好多不同精彩的地方！

單係比學歷，都無得比啦！有網民話，兩個唔同學校唔同科，又唔同國家，點比啊？

不過呢位網民講嘅嘢？大家又同唔同意呢？法學士真係可以死讀爛讀就讀返嚟？

其實之前郭藹明都回應過麥明詩離地之說，仲答得好大方o架！

麥明詩喺《星星探親團》介紹自己母校生活，不斷提到「劍橋」、「十優」、「貴族學校」等字眼，令部分網民覺得麥明詩太自以為是，甚至「離晒地」。

早前郭藹明出席活動時，被記者問到麥明詩「離地」之說，郭藹明搞笑地反問咩叫「離地」。之後再回答：「可能佢返到讀書嘅地方好開心，好似你返鄉下都會成日提鄉下嘅嘢，好自然。我哋換個方法睇，世界就更加美麗。」佢又笑言自己唔提學歷，可能係冇返去L.A.啫，可能返到去，到時自己都會係咁講！

撰文：Fiona Fong

延伸閱讀

圈中3大活到老學到老表表者 網民激讚發哥

網民熱烈討論 麥明詩定郭藹明學歷勁啲？