香港婚後事|陳自瑤首度開腔講離婚 殘酷2選1盡顯唏噓
陳自瑤 分享對夫婦離婚見解
今集探討的主題是「離婚」,龔姐分享對夫婦離異的見解:「冰封三呎,非一日之寒,比較傳統啲嘅女性,仔女係佔咗佢(生活)一大部分,佢可能喺某一段時間係完全忽略咗自己,將啲時間、精神、責任擺晒喺仔女身上,到某一日突然間醒咗,佢會意識要有自己人生,咁會令到有番咁上下年紀嘅人有離婚嘅意識。」
而Yoyo則認為:「一段關係係雙方(付出),可能你好想為小朋友保持一個美滿家庭,但可能對方唔想,可能佢個心已經走咗,你夾硬死𢱑都冇辦法,有啲嘢唔係一個人可以做到,呢啲情況就冇得選擇。」
![香港婚後事 陳自瑤 Yoyo 分享對離婚嘅睇法。(圖片來源:TVB)](https://imgs.weekendhk.com/wp-content/uploads/2024/05/06_1817030676646de7111e75.jpg)
二選一陳自瑤寧願揀「單身」
而在第7集中Yoyo 接受「殘酷二選一」挑戰,面對「可以重新再揀,選擇單身定係結婚」這個殘酷話題,Yoyo 竟然答「單身」!
在談及出軌話題時,Yoyo也有感而發:「男人又好,女人又好,出軌可能只係一時衝動,就係為咗一刻嘅歡愉做錯事。無論做咩事都好,最緊要唔好為咗一時一刻嘅衝動、快樂,毀咗成個家庭,代價好大。」
![香港婚後事 陳自瑤 有得從頭揀過,Yoyo寧願揀單身。(圖片來源:TVB)](https://imgs.orientalsunday.hk/wp-content/uploads/2024/05/29019628-0b65-47f5-83cd-2847b6e83caf_1692174827664714e777dd4.jpg)
陳自瑤爆有人專揀「有婦之夫」埋手
之前第6集的嘉賓是單立文(豹哥)和胡蓓蔚(豹嫂),Yoyo 講到有人專揀「有婦之夫/有夫之婦」埋手,豹嫂聞言說:「有呢啲人㗎咩?」Yoyo 正色道:「有,好多!」豹哥就回應Yoyo,直指呢一類人道德觀念好弱、太有征服感,但作為男方就不可動搖,否則「呢啲老公唔要得㗎啦!」
![香港婚後事 陳自瑤 (圖片來源:TVB)](https://imgs.orientalsunday.hk/wp-content/uploads/2024/05/photo_6192816647664943033_y_653460065663e4c8aeaa29.jpg)
陳自瑤唔信酒吧有真愛
之後 4 位主持齊齊蒲吧 Happy Hour,並大談昔日蒲吧史!Yoyo 自揭蒲吧次數不多:「同朋友去過幾次,我仲會去跳舞添。」諾懿追問有否艷遇時 Yoyo 直言:「有嘅,會有人行埋嚟話:『你好靚喎。』但係我冇 Show 佢。」其他人再問是否覺得酒吧沒有真愛,Yoyo 即自認傳統:「可以喺酒吧咁樣撩一個女仔,即係慣犯!」
![香港婚後事 陳自瑤 陳自瑤大談自己的蒲吧史,更表示唔信酒吧會有真愛!(圖片來源:TVB)](https://imgs.orientalsunday.hk/wp-content/uploads/2024/05/19_7345427663da5ec71e4b.jpg)
陳自瑤5字霸氣回應出軌議題
《香港婚後事》又討論過「肉體出軌」VS「精神出軌」,Yoyo一聽到諾懿題目,即斬釘截鐵謂:「兩樣都唔得!」諾懿即反駁:「諗吓咋喎。」Yoyo聞言即一臉認真向諾懿拋出兩條相當尖銳的情境題,分別為「如果你老婆同你一齊,佢不停諗緊第二個男人,你接唔接受到吖?」及「如果你老婆出完軌一次返番嚟你度,你接唔接受到?」即成功令諾懿陷入苦思,並坦言確有一個狀況難以接受。之後Yoyo再追著諾懿問:「如果佢鍾意咗另一個,佢之後返番嚟屋企,但個心都係飄走咗,咁又得唔得?」場面一度尷尬!
![香港婚後事 陳自瑤 五人討論得最熱熾的話題,則是「肉體出軌」VS「精神出軌」(圖片來源:TVB)](https://imgs.orientalsunday.hk/wp-content/uploads/2024/04/908cc321-42dd-4d81-8704-ac1ed0f58c7a_1152915177662a304240da6.jpg)