芯駖罕有反擊「年紀大入女團」指控 8字寸嘴回應 網民反應兩極
COLLAR成員年齡差距大 屢成嘲諷對象
芯駖在《全民造星IV》的決賽後不久就被告知將加入COLLAR,儘管她比組合中最年輕的成員大了17歲。她的年齡一直是人們討論的焦點,也是網友嘲諷的對象。
芯駖明知年紀大都照選《全民造星IV》
芯駖在節目中提到在大學時期發現了對舞蹈的熱情,並有機會成為演唱會的舞蹈員。她亦透露自己曾多次考慮報名參加歌唱比賽,但總是因為跳舞的工作安排而錯過機會。
直到2021年參加《全民造星IV》,芯駖才決定全力以赴。她從未想過會加入如此年輕的女團,「我好想知如果好似我呢個人設嘅人參加會點?可以行到幾遠?所以明知選女團好多18、22歲嘅選手,我都照去,無諗過可以去到決賽,每round都覺得會畀人foul。」
芯駖8字反擊年紀大入女團:「唔通去改身份證咩?」
芯駖坦承最初對此感到困擾,不過後期心態有所改變,更以霸氣態度反擊酸民的指控:
「年紀係事實,我唔能夠改變,唔通去改身份證咩?」
分享COLLAR維繫「團魂」秘訣
芯駖在節目亦提到COLLAR出道以來一直遇到不少波折,但芯駖就指一直沒有因此而氣餒:「因為我習慣咗,人生要打逆境波。過去我發生過唔同情況,亦捱過。我會當呢啲事係考驗。」
芯駖在節目中亦分享到COLLAR成員們維繫「團魂」秘訣:「我哋7個人性格都好爽朗、直接、善良,有啲咩都唔會收收埋埋,表裡一致,個個都好似老夫老妻咁。」
![collar女團 芯駖 芯駖自認COLLAR有團魂,因為大家性格都爽朗,所以有咩都誤會收收埋埋。(圖片來源:IG@lisumlingg)](https://imgs.orientalsunday.hk/wp-content/uploads/2024/08/image-143655_104560266866cd4a8f08f05-1024x678.jpg)
分享「龍蝦論」卻被網民笑指MK
芯駖還分享了一篇關於龍蝦生長的文章,「最近睇咗一篇文章想分享,講龍蝦嘅生長,龍蝦每年都會生新嘅肉需要脫殼,會匿喺石縫間將擠擁嘅殼脫落,等再生新嘅殼,每次生新肉會重複呢個循環。就好似我哋遇到波折嘅時候,要將原有嘅自己打爛再重組,再去面對新挑戰,人生有壓力,就係成長嘅先兆,就會諗起『龍蝦論』。」不過就有網民笑芯駖「MK」:「佢d對答都幾mk」「正想話答得咁on X 嘅」等。
![collar女團 芯駖 不過就有網民認為芯駖的回應太MK。(圖片來源:IG@lisumlingg)](https://imgs.orientalsunday.hk/wp-content/uploads/2024/08/image-3373723_73201948666cd4aad6a42c-1024x1024.jpg)
網民反應兩極:改身份證就會後生咗?
今次芯駖罕有開腔回應年紀大加入女團一事,不少網民都大讚芯駖霸氣,並認為只要有實力,年齡並不重要:「以芯駖嘅能力,佢係啲外國真人show, 做導師都完全無問題。咁組團睇實力,佢入團出道完全無問題。團入邊就係要唔同類型嘅團員,咁先有火花,全部一模一樣咁咪無特色。」「真心覺得佢都ok既」「年紀大有咩問題 實力比其他年紀細既人好 啲人咪咁小學雞拎年齡去話人啦」等。
不過亦有網民認為芯駖年紀的確太大,又認為其回應太冇禮貌又冇邏輯:「發脾氣,唔係霸氣lor」「改左身份證就會後生左」「你改細10年 人地都嫌你老啦,做其他嘢咪仲好,例如參加美麗40路」等。