校友會聚餐驚現女子食「霸王餐」唔肯走真實身份曝光網民震驚：邊間學校？

Jan 9 2025

校友會聚餐｜大家在聚餐時，試過有不請自來的人到場嗎？近日有位網民在Thread上分享其朋友的一次經歷，當晚是校友會聚餐，同場十多席都是校友，但期間就有一名不速之客突然出現在聚餐中並無恥地「黐餐」，甚至被揭穿後仍無恥地賴著不願離開，期間她自爆前來校友會聚餐的目的。其後，該校的校友會會長的做法惹網民震驚，紛紛詢問是哪間學校。

不請自來飯局搗亂者

一名網民在社交平台Threads上分享友人的經歷，指校友會上有位不速之客闖入宴會中「黐餐」：

講下故事
今晚校友會食飯（大家都知我個會有入會費啦）
十幾圍之中我果圍有個唔識既女仔大家都以為係其他人帶黎既師妹
謝飯禱既時候佢用普通話問
🤡：你們在做什麼
😐：祈禱囉
🤡：原來學校是基督教學校嗎
我心諗你點考入黎
幾分鐘之後學校staff黎點名收飯錢佢居然話佢係校長邀請的然後講左一大堆無用既野後尾餐廳經理請佢離開佢居然發脾氣如圖然後一次過夾左一大堆野食
🤡：你們就這樣對你們的學生嗎？我交了十幾二十萬的學費，吃一頓飯也不可以嗎？我來是找校長談合作的。
喂又話學生？
結果會長過黎話算啦唔好報警請呢位新朋友食飯當做善事啦我地唯有聽會長講
就係咁佢真係由頭坐到尾食埋甜品敬埋酒先走

校友會校友會聚餐近日有位網民在Threads上分享其朋友的一次經歷，當晚是校友會聚餐，同場十多席都是中學校友，但期間就有1名不速之客突然出現在聚餐中並無恥地「黐餐」，甚至被揭穿後仍無恥地賴著不走。（圖片來源：Threads@jaemintiffany） — 近日有位網民在Threads上分享其朋友的一次經歷，當晚是校友會聚餐，同場十多席都是中學校友，但期間就有1名不速之客突然出現在聚餐中並無恥地「黐餐」，甚至被揭穿後仍無恥地賴著不走。（圖片來源：Threads@jaemintiffany）

從帖文中可見，該名女子頭戴眼鏡，身穿藍色襯衫，大搖大擺地出現在聚餐中，但就在一眾人在謝飯禱後就被同場人士質疑她未被邀請，隨後當校方準備收「飯錢」時就被揭發是街外人進場「黐餐」。

然而，當她被揭穿時，不但沒有感到任何尷尬和歉意，甚至表現得理直氣壯，好像自己有權利留在宴會中一樣，結果引發爭執，隨後又校友會會長出面解畫。

網民：校友會會長廢，會員都廢

帖文發佈後隨即引起網民熱烈討論，不少網民都表達了對這名不速之客的強烈不滿「最乞人憎係佢搬大陸果套『我是校長邀請來』，我識邊個邊個，見到想嘔。btw會長口味都好重下」、「接受唔到最後冇趕佢走，呢啲人唔應該縱容」、「係咪校友都成問題，呃飲呃食，個會長又係傻唔明點解唔報警」、「之前電視有報過去婚宴呃飲呃食，問過律師係已經犯左《盜竊罪》，同你情況一樣，真係可以報警送佢一程！」、「應該全枱人一齊起身走，點可能同啲咁嘅人一齊食飯，會長唔趕佢叫佢坐會長嗰枱啦」。

另外亦有不少網民對會長的手法表示不齒「見到大家都鬧會長我就放心，慷他人之慨，仲唔識保護自己啲會員」、「係咪應該post埋會長出來等人認識下？乞兒固然要防備，龜縮廢柴同樣要避之則吉。 BTW, 係我就唔夾錢，人哋都唔使比，自己做咩要比，比咗即係有份津貼乞兒，都係幫兇」、「我係現場應該會即時X爆個會長，喂我有比會費，咁搞大家都不如唔好比，你要做善事麻煩你私人時間做」、「踢佢唔走咪踢走會長，今日割五城，第時對外嘅會務仲點有合適處理」、「會長廢，會員都廢，咁都忍得，唔差在請埋佢搭的士返屋企」、「個會長咩事，就當唔想浪費食物最多咪俾佢企埋一邊食完夾咗嗰碟就走，仲俾佢唔俾錢由頭坐到尾」。