中年好聲音3 第一個 MVP 登場！劉洋合唱《想說》獲導師韋綺珊特訓
中年好聲音3 第一個 MVP 登場目錄
劉洋合唱《想說》奪93分 成為MVP
今集《中年好聲音3》劉洋、郭偉倫化身低音重炮手，翻唱許志安嘅《想說》兩個選手對唱時啲佬味湧住出嚟，陽剛味十足，聽到評審們又冧又爽！成功獲得全場最高93分！
劉洋在《中年好聲音3》中展現了出色的表現，受到評審和觀眾的廣泛關注。他以歌曲《偷心》參賽，並以其獨特的沙啞嗓音和情感豐富的演唱風格吸引了不少粉絲。劉洋來自雲南，擁有扎實的音樂基礎。他在歌唱方面的經驗相當豐富，咬字清晰且台風穩定，這使得他的表現無論在音質或舞台魅力上都顯得十分熟練。
藍組｜5燈張與辰《愛與誠》哭腔或見劣勢！
在之前幾個回合都高分晉級的5燈霸主張與辰，今回合獻唱《愛與誠》，來自馬來西亞的張與辰演出獲評審肥媽激讚唱出屬於其個人版本：「我覺得你偷咗隻歌，畀到我聽唔係古巨基嘅歌，係張與辰嘅歌。」劉美君則略嫌張與辰哭腔太多，對其演出有讚有彈：「真係唱得好，我信你嘅能力，但係我覺得唔需要一開始畀嗰啲喊聲，少少fine tune就得。」
紅組｜黃博《傷追人》演出放膽增加眼神交流
首出場的黃博獻唱《傷追人》，直言「首歌好慘，遇到渣男唔會去嗌交」；她不但以新鮮髮型亮相，唱歌時更多了眼神交流，獲主持車婉婉讚「對眼有火」，形容她像猛獸一樣，用內心力量反擊渣男！劉美君對黃博的演出坦言：「佢望住我同我講佢嘅痛，真係吸住我去聽個故仔，唱得好好聽，感情完全feel到晒。」周國豐點評：「好多時扣分係你第一句，你今日第一句好穩。去到chorus部分個『洶湧』唔係亂咁嚟，將激情部分推到最高點。」
韋綺姍特訓黃博咬字鬧出笑話
導師韋綺姍雖然手上有女大魔王黃博，但佢好擔心黃博嘅廣東話咬字唔正，憂發音鬧出笑話，第一句歌詞「999」就練咗好多日，黃博坦言廣東話好難，特別有啲字發音唔係太好；韋綺姍嗰隊仲有唱歌了得嘅劉洋，亦被執歌曲當中嘅細節，劉洋獲指導下收斂澎湃嘅唱功，要讓人覺得感動。郭偉倫直言自己唱法比較舊式，韋綺姍要每字每句同郭偉倫執唱法。
綠組｜陳芷盈《任天堂流淚》忘記戴耳機亂晒冇層次
至於「王菀之2.0」陳芷盈獻唱古巨基的《任天堂流淚》，特意戴上圓框眼鏡，以一身宅女造型上陣。可惜萬事俱備，只欠東風，她竟然忘記戴ear mon耳機，令其表現比之前失準，音調錯key，張佳添說：「你嘅問題係key定高咗少少，一路聽有少少吵耳。你係一個有音樂感、歌唱能力嘅人，只係首歌策略性爭啲，隻歌未必最適合你唱。」劉美君則指：「初頭幾唔錯，一路去冇咗層次，呢隻歌應該靜靜地、慢慢咁推上去，去到後面有啲急促，呼吸、成個人都亂晒。」
「綠組（謝文雅隊）」
- 善玥澄＋李金凱《1874》
- 尤詩郡＋胡家健《會過去的》
- 陳芷盈《任天堂流淚》
「藍組（谷婭溦隊） 」
- 羅逸軒＋高菲《明年今日/十年》
- 陳溢光＋宗倩如《其實你心裡有沒有我》
- 張與辰《愛與誠》
按照賽制下半場及回合總結，評審將淘汰共兩名參賽者，27強即將誕生，有消息指羅逸軒及高菲合唱《明年今日/十年》表現依舊欠佳，評審決定令其出局！
回到目錄
