萬千星輝2024｜40歲女配傅嘉莉超好學 邊拍劇邊進修驚患1病：好值得
相關新聞：大馬視后張曦雯草根出身 改名轉運 住3千萬豪宅
傅嘉莉低調做好自己 被勸「唔識講嘢就唔好講嘢」
現年40歲的傅嘉莉（Kelly）在台上不禁聲淚俱下，真摯表達其感受：
「我真係冇諗過，我真係攞到最佳女配角，首先我真係好多謝好多謝當年珍姐叫咗我返嚟，我做咗10年嘅Model，唔知自己可唔可以做Model嘅時候，我做咗Model。我亦都唔知自己可唔可以做演員嘅時候，係珍姐邀請我嚟TVB，但係我都好想同佢講sorry，我知我入咗嚟之後，好多嘢唔識，亦都可能講錯咗好多嘢，但係我好多謝珍姐你同我講咗一句說話：『你唔識講嘢就唔好講嘢，冇新聞好過有新聞。』叫我踏踏實實去做好自己，做好演員。我呢幾年真係好努力，低調咁做好自己，我真係好想用行動證明畀你睇，我希望我冇令你失望。我亦都好多謝樂小姐，我覺得公司有兩位非常之好嘅woman’s idol，俾我有一個好嘅榜樣，我點樣可以做好一個女性嘅角色，樂小姐係好聰明嘅一個女士，佢俾咗好多好多好意見我，亦都係幾年之前俾咗好多唔同嘅角色我，令我可以嘗試唔同嘅角色。」
一向負面新聞不斷的傅嘉莉又透露曾患抑鬱症，「嚴重程度係想放棄自己」。最終她聽從高層曾勵珍的建議，踏實低調做好自己，逐漸遠離各種是非和緋聞，只是積極琢磨、做好每一個角色，期間她更進修增值自己。
傅嘉莉好學不倦 邊拍劇邊進修
Kelly於2021年決定邊拍劇邊修讀英國寶石學課程，導致壓力爆煲兼荷爾蒙失調，更一度出現「鬼剃頭」，兩年後她終於畢業，身穿畢業袍的她接過證書後即感觸落淚表示：「這刻感覺一切付出都值得。」Kelly用兩年完成英國皇家寶石協會Gem-A 的FGA寶石鑑定師基礎和文憑課程，不時會在社文平台上分享上堂及溫習狀況，亦同時鼓勵在半工讀書的人。
拍攝《法證先鋒6》期間，Kelly曾飛往英國拎取鑑證文憑，感覺劇集與珠寶鑑證這件事特別有緣。已持續讀了四年珠寶鑑證的Kelly，透露現時仍有繼續進修，相當好學上進，她當時表示：「我中間都讀咗好多個course，由初級到高級都有，包括瑞士頂尖鑑定所古柏林Gubelin嘅初、中、高班，我都全部讀晒。依家我修讀緊鑽石文憑鑑證，嚟緊一月都要考公開試。」
相關新聞：最佳女主角｜龔嘉欣與家人斷聯超過20年 1理由不找母
優異生傅嘉莉穿畢業袍感觸：我終於得咗啦
經過兩年努力，傅嘉莉不但成功考獲英國寶石鑑定證書，也是應屆優異生。在畢業晚宴上，Kelly穿著畢業袍、接過畢業證書，感觸落淚哽咽道：「真係好感動！自己好細個入行做模特兒，冇機會好好進修，原來努力咗兩年，著起件袍嘅感覺真係好唔一樣 ，我終於得咗啦。」
此外，她亦感激導師的教導和貼心安排，即使她離港工作亦能上課， 跟得上進度。如今正式成為「寶石學鑑證師」，證明努力沒白費，辛苦亦值得。
相關新聞：楊茜堯哽咽剖白改名真相 「楊怡」奪大滿貫視后
傅嘉莉資歷等同大學畢業
這兩年間一邊兼顧拍劇和學業，Kelly曾一度荷爾蒙失調兼壓力爆煲，心口開始生粒粒，甚至患有「鬼剃頭」，其甩頭髮現像更由只有五毫子擴大至到一蚊硬幣大，必須接受適當治療才能痊癒。如今得償所願取得證書，資歷等同大學畢業，Kelly大感高興和值得。
相關新聞：飛躍進步男藝員｜阮浩棕背景超強 名校高材生棄金融入演藝 談嫲嫲梁舜燕淚崩
傅嘉莉演活珠寶鑑證顧問 為珠寶鑑定放棄兒子運動會
傅嘉莉在《法證先鋒6》飾演「書婷」，當中有不少精彩表現，其珠寶鑑證的身份也跟她現實中的角色有所呼應。原本答應了仔仔Alvin（許恩祺飾）到學校比賽二人三足的書婷（傅嘉莉Kelly飾），因臨時獲名珠寶鑑定師洪七言（冼燕芳飾）約見商討重要事情，竟臨時放了Alvin飛機，大鬧情緒的Alvin最終雖然在井Sir（袁偉豪飾）幫助下拿了第一名，但最終還是氣憤至將獎牌丟下海！相關劇情特別之處，是當中呈現的寶石鑑定過程，無論是鑑定器材、內容及相關對白，均由修讀過珠寶鑑證文憑的Kelly提供意見，Kelly表示對於首度能將自己的專長放入劇集中深感興奮：
「因為監製好細心亦好錫我，留意我近年修讀珠寶鑑證，就諗不如將呢個專長擺落我的角色人物上；但因為珠寶鑑證好難呈現，所以改咗珠寶設計。而第十集涉及珠寶鑑證嘅劇情，好多謝監製同編審咁信我，佢哋問咗我同埋跟咗我所有意見去呈現件事。當時我好興奮，因為呢樣嘢係我呢幾年好鍾意嘅嘢，我都有問番學校嘅教授，同佢一齊研究點樣簡而快去呈現件事。」
