連鎖麵包店用「地拖」抹麵包架 街坊嬲爆唔再幫襯：有人食完肚痾

慈雲山麵包舖用地拖清潔麵包架

周二（21日）有慈雲山街坊在Facebook群組「慈雲山資訊交流」中，以「原來地拖除咗拖地仲可以拖麵包架，見到都唔敢再買」為題發帖，並貼出一張照片。

從照片見到，當時麵包架基本上已經清空，剩餘上層有少量包裝糕點及賀年食品，而2名身穿店舖圍裙的女職員正在進行清潔，其中一人用地拖清潔麵包架，地上放了一個紅色地拖桶。隨後，留言區中有街坊指出涉事店舖是慈雲山街市內的「秋天餅店」。

相關新聞：唐詩詠麵包店被網民狠批3宗罪 預言3年內會執：同趕客無分別

網民狠批：好嘔心

帖文瞬間引起群組成員熱烈討論，不少人狠批「用地拖本身已經onX，仲要有客睇住」、「真係要，傳開去啦！」、「認真大鑊，街市仲有客人都咁明目張膽」、「點幫襯呀！太唔衛生」、「勁恐怖，趕收工不如唔好抹」、「好彩畀你影到」；有街坊就表示不敢再光顧涉事麵包舖，「我為佢嘅行為發誓永遠都唔會買佢麵包」、「唔會再買了」、「以後唔會再食」；另外有街坊就表示「向食環投訴」、「真恐怖 要投訴食環處」，期間更有街坊表示：「記得上次有谷友話食完肚痾。」

麵包店迅速回應與措施

面對網上的熱烈反響和批評，麵包店於事發後第二天就貼出道歉聲明，並透露涉事員工已經辭職；店方亦表示將會加強員工培訓，避免類似事件再次發生，同時承諾會即時進行內部清潔以確保食品衛生安全。

「該員工在清潔麵包架時的行為非常不當，我們公司同意該員工辭職決定」

隨後有街坊在群組分享照片，指麵包店貼出告示「停業一天」，並表示「見有員工用毛巾抹架」，從照片就見到1名女店員在麵包架後進行清潔，而麵包架則完全清空。

儘管麵包店已採取了道歉和整改措施，但網民反應仍然兩極。有部分網民認為「而家做乜都冇用㗎啦」、「抹都無用，做咗就做咗」、「有鬼用咩，用得地拖拖面包架，咁廚房內面咩衞生環境都可以想像得到，總之以後唔會幫襯」；但也有人表示支持店鋪的整改措施，「做返好衛生，過一排就無事」、「香港人對於乾淨程度要求，重新裝修應該有啲用」，並建議店鋪應大大改善服務質素，例如「整返啲優惠，買一送一咁」、「半價以下可以，見到請通知」，以此來挽回顧客的信任和支持。

相關新聞：唐詩詠麵包店被網民狠批3宗罪 預言3年內會執：同趕客無分別