中年好聲音3｜趙浚承犯致命缺點輕鬆克服！ 「上弦」、「下弦」選手對決
趙浚承獻唱《袖手旁觀》犯致命缺點！
「下弦」之戰亦滿是亮點，單是打頭陣出場的趙浚承、任永健對決，已勢均力敵、各有各優異之處。先說趙浚承，雖然他獻唱《袖手旁觀》時一度犯了唱錯歌詞這個致命缺點，但由於表現淡定加上演唱出色，照樣獲得評審正評，黎瑞恩：「真係好犀利，呢首歌超級高難度，所有音都喺超級高嘅地方。」，肥媽：「你唔講我根本唔知你唱錯歌詞。」，張佳添：「我送四個字畀你，就係愈戰愈勇，係你Solo入面最好嘅一次。」
任永健突破玩跳唱《舞極限》
至於跳出情歌框框、突破玩跳唱《舞極限》的任永健，除了爆衫爆肌畫面夠晒震撼眼球，強而有力的舞步亦相當吸睛，獲評審普遍好評，張佳添：「有muscle喎，我鍾意呢個永健，你好似一個閃耀嘅star」，黎瑞恩：「通常比賽好少揀快歌，因為要穩陣，但你今日嘅表現相當之好」，周國豐：「你帶畀我哋一個好唔同嘅永健，你揀咗快歌反而同浚承五五波。」
