「40億千金」封盤做人妻 未婚夫身份曝光 連前緋聞男友都大方送祝福！
蔡頌思爆笑稱終於嫁得出
蔡頌思今日在社交平台驚喜宣布封盤做人妻嘅消息，蔡頌思更配文道：「以前嘅我成日講，『第時結婚，第時結婚嗰陣』…估唔到講講吓，竟然就到呢一日，真係好唔真實，以前覺得好遙遠嘅事，終於要發生喇做過8次姊妹嘅我，成日俾人笑，做咁多次姊妹會嫁唔出㗎，但係今次真係終於輪到我喇」，就連曾經嘅緋聞男友黃建東都留言表示：「好對唔住撞咗工作做唔到你婚禮司儀，我到時會喺荷蘭遙遠祝福你哋！」
蔡頌思曬巨型鑽戒孖未婚夫出鏡
蔡頌思更曬出多張巨型鑽戒同超大束玫瑰嘅靚相，不過網民最關注嘅就莫過於蔡頌思嘅未婚夫！蔡頌思嘅未婚夫Michihiro Nakaguchi係日本人，雖然Jocelyn只係曬出未婚夫嘅側面相，但係亦獲唔少網民大讚2人十分相襯！
尾二一屆口罩小姐｜肚臍餅蔡頌思被封「40億千金」曾與黃建東傳緋聞
ViuTV選美真人騷《尾二一屆口罩小姐選舉》有唔少話題佳麗，其中以花名肚臍餅（051）參賽嘅蔡頌思（Jocelyn）正是其中一位。蔡頌思曾經參加過2020年香港小姐面試，而Jocelyn嘅後台更係極為猛料，皆因佢係「海產大王」蔡繼有的孫女、新華集團主席蔡冠深的女兒，其家族坐擁40億身家；因此她有一個外號叫「40億千金」。
即睇《尾二一屆口罩小姐》20強名單
「肚臍餅」蔡頌思曾參選2020年香港小姐
30歲的Jocelyn(蔡頌思)身高157cm的她被指似鍾嘉欣，而有矮版鍾嘉欣之稱，在2020年港姐首輪面試已成為大熱，第二輪面試卻突然宣告退選，據說是因為合約問題。
「肚臍餅」蔡頌思來自政協家庭有個演員夢
Jocelyn回應自己是「40億千金」時指「實際數字唔知」並婉轉帶過，而Jocelyn自己則於18年至20年間曾任雲南政協委員的港澳區政協委員，不過她決心當演員，曾透露今年會捲土重來選港姐，但因年齡問題作罷，佢亦有解答大家疑問：「我以為27歲可以參選，但原來係選之後半年仲係27歲先得，所以我無資格參加﹗」最後只能放棄港姐夢﹗
「肚臍餅」蔡頌思曾拍賀歲片 演袁詠儀女兒
Jocelyn畢業於香港中文大學英文系，同時精通法語，參選港姐時稱是一名自由身演員，更有廣告及有不少幕前演出經驗，19年拍攝的賀歲片《家和萬事驚》，飾演袁詠儀的女兒，電影上映時，其父母為她舉辦了一個私人放映會﹗
「肚臍餅」蔡頌思曾傳與黃建東假戲真做
去年蔡頌思參演由資深舞台劇導演張之珏先生執導的《老公～你好悶》，與演員黃建東飾演夫妻，據傳期間假戲真做，咀出愛火花，黃建東更因此被認為「媾掂」40億千金。
「肚臍餅」蔡頌思小檔案：
年齡：28
身高(cm)：157
體重(kg)：45
三圍(寸)：32 24 33
職業：演員
技能：水下人魚游、跳舞、扮聲（卡通）
興趣：整甜品、瑜伽、空中吊環
