中年好聲音3｜阮慧珊老公猛料背景曝光歌藝欠奉被觀眾狂寸「一早要Foul」

Mar 10 2025

《中年好聲音3》最新一集何平秋被淘汰，阮慧珊則成功晉級16強，引起不少網民不滿，除了質疑TVB造馬外，更起底指阮慧珊原來有個馬主老公，寸爆她「識人緊要過識唱歌」！

《中年好聲音3》阮慧珊晉級16強惹網民不滿

許多網民對阮慧珊在《中年好聲音3》中的表現極為不滿，紛紛出po批評：「阮慧珊跟本唔識唱歌」、「好難聽！公平何在！」、「唱到咁屎又垃圾，走音又甩beat都可以入到16強，做馬做到暈」、「跟本唔識唱歌」、「一早就要foul」、「每次晉級都討厭」、「平秋一直好過佢好多」等，更質疑評審標準：「走曬音都85分」、「海兒老師勉強話唔錯」，懷疑「高層落咗指令」或評審「受人錢財蒙眼做事」。

中年好聲音3 阮慧珊阮慧珊成功晉級《中年好聲音3》16強。（圖片來源：IG@risyuenyuen） — 阮慧珊成功晉級《中年好聲音3》16強。（圖片來源：IG@risyuenyuen）

中年好聲音3 阮慧珊海兒激讚阮慧珊，網民認為作為評審，讚得十分勉強。（圖片來源：IG@risyuenyuen） — 海兒激讚阮慧珊，網民認為作為評審，讚得十分勉強。（圖片來源：IG@risyuenyuen）

中年好聲音3 阮慧珊紛紛為被foul嘅何平秋不值。（圖片來源：TVB） — 紛紛為被foul嘅何平秋不值。（圖片來源：TVB）

阮慧珊老公背景成熱搜一度被傳是「馬主」

網民更起底指，「睇開馬都知」阮慧珊的老公是一名馬主，2024年10月曾與肥媽、韋綺珊一同現身馬場「拉頭馬」，於是引起猜測這可能是阮慧珊在比賽中能獲「得優」待的原因：「新聞都有出過，有賭開馬嘅都會識阮慧珊嘅馬主老公。識人緊要過識唱歌，明晒。」、「唔怪得走晒音都85」、「輝志係馬主，佢又係馬主！中四報名要報埋名下馬名！」「應該有30分係俾佢個馬主老公的」，更有網民指：「周國豐個評語最正常，明顯同佢老公唔熟。」

中年好聲音3 阮慧珊阮慧珊曾在唱《為你鍾情》時，自爆23年前患上第一型糖尿病，需要打針控制病情，直言感激丈夫無微不至的照顧。（圖片來源：TVB） — 阮慧珊曾在唱《為你鍾情》時，自爆23年前患上第一型糖尿病，需要打針控制病情，直言感激丈夫無微不至的照顧。（圖片來源：TVB）

阮慧珊曾於節目主動提起老公協助照顧病情

原來阮慧珊曾前患上第一型糖尿病，需要打針控制病情，她在節目中表示，結婚前老公已十分重視她的健康狀況，晚上總會醒來觀察她的血糖指數：「印象最深刻佢同我講，情願有一型糖情願有一型糖尿病嗰個係佢。8年嚟我睇到佢畀到好大安全感我，好願意花時間喺我生活上，一個男人畀咩你，都唔及時間咁寶貴。」據知二人在近年才正式結婚，阮慧珊老公亦有到場舉牌支持愛妻，十分恩愛：

中年好聲音3 阮慧珊阮慧珊老公都有到比賽現場舉燈牌力撐老婆。（圖片來源：TVB） — 阮慧珊老公都有到比賽現場舉燈牌力撐老婆。（圖片來源：TVB）

肥媽、阮慧珊老公拉頭馬同框馬主原來另有其人

根據新聞報道，去年10月肥媽曾入馬場拉頭馬，到翌月她又再拉了一次頭馬，她興奮表示：「今日入咗馬場支持朋友隻馬，結果真係好勁，最後成功贏咗場頭馬！大家都超開心，現場氣氛勁熱烈，真係難忘嘅一日！」據指當日她所拉的頭馬正是屬於阮慧珊老公所擁有，不過睇翻資料，肥媽、韋綺姍、黑妹當日投注的馬匹是現在已退役的「喜報圍家」，馬主及其太太另有其人。

中年好聲音3 阮慧珊去年10月中，肥媽表示「今日入咗馬場支持朋友隻馬，結果真係好勁，最後成功贏咗場頭馬」據網民所指，這位站在肥媽和黑妹身後的男士（紅圈者），就是阮慧珊的老公。（圖片來源：FB@肥媽 Maria cordero） — 去年10月中，肥媽表示「今日入咗馬場支持朋友隻馬，結果真係好勁，最後成功贏咗場頭馬」據網民所指，這位站在肥媽和黑妹身後的男士（紅圈者），就是阮慧珊的老公。（圖片來源：FB@肥媽 Maria cordero）

中年好聲音3 阮慧珊（圖片來源：FB@肥媽 Maria cordero） — （圖片來源：FB@肥媽 Maria cordero）

阮慧珊老公劉敏昌原來係中大教授曾治療阿Mo

經進一步查核，原來阮慧珊老公是中大劉敏昌教授，也是一位註冊物理治療師，仲有份治療MIRROR演唱會入面受傷Dancer阿Mo（李啟言），劉敏昌教授曾接受採訪提及阿Mo治療情況，獲Mo爸點名表揚。劉教授亦有為賽馬會騎師提供專業運動治療，馬匹「喜報圍家」的騎師潘頓亦曾接受劉教授治療。目前還找不到證據證實「阮慧珊老公是馬主」，相關討論疑似是誤傳。