【免費小娛樂】玩具反斗城 LEGO NEXO KNIGHTS™ 大挑戰
一入嚟玩具”反”斗城就已經見到個挑戰區啦~
成個展區都係以NEXO KNIGHTS™為主題，仲有好多最新推出嘅NEXO KNIGHTS™LEGO 添~
當然依一刻睇LEGO小小豬就冇乜耐性，因為佢要快快手完成三個NEXO騎士任務挑戰~
任務一就係10分鐘內砌出30378 Shrunken Headquarters，話就話計時，但小小豬砌時都過左少少時間，不過一樣過關。其實唔難砌，只係小小豬唔專心，成日掛住下一關係乜，所以砌得慢~
任務二就係從圖片中找出五個不同之處，依個部分小小豬又幾認真，所以好快手就可以完成~
完成任務就可以得到NEXO盾牌，集合NEXO Combo 能量~
最後一個任務亦都係全場小朋友最愛嘅任務，我地都排左二十分鐘先玩到呀~
緊係啦，可以拎住NEXO KNIGHTS盾牌及寶劍嚟對抗敵人，加上小小豬平日又少玩電子遊戲，佢仲唔係更加歡喜~
完成晒三個任務，集齊NEXO盾牌，就可以換到小禮物呀~
不過除此之外，即時上載任何一張即場拍攝嘅相片到FACEBOOK，仲可以得到限量版幻彩人物咭一張，店員姐姐話真係數量唔多，所以值得收藏呀~
簡簡單單又多一個活動俾小小豬，佢就當然係開心，因為佢越嚟越鐘意玩LEGO，成日邊玩邊講可以砌好多唔同嘅嘢，發揮自己創意哦。
既然佢鐘意我就當然支持，學大仁嗰句…. 玩玩具緊係要玩正版，所以我都只會買LEGO俾小小豬玩呀！
More Information :
日期︰由即日至4月2日(逢星期六及日)
時間︰2-6pm
地點︰玩具”反＂斗城 – 銅鑼灣皇室堡、尖沙咀海運大廈及屯門市廣場
適合對象：5 – 12 歲小朋友
*參加人數有限，先到先得 **
所有參加任務的小騎士，於當日購買NEXO KNIGHTS 滿指定價錢，即額外獲贈30378 Shrunken Headquarters一包。
