鄭中基 金像獎大玩舞台劇表演 老婆台下冧笑支持

鄭中基 在開幕禮中兼任表演嘉賓，將九部經典港產片以舞台劇形式，在八分鐘內重現！大會藉表演讚揚電影圈中人的努力，在場人士及網民紛紛激讚！Ronald套衫係咪好靚仔呢？原來低老婆余思敏（Sammie）揀㗎！Sammie話老公好忙，又要練習又要採排，所以幫佢揀定衫！好Sweet啊！

年頭，Ronald在紅館演唱會尾場，除咗有黃子華做嘉賓之外，老婆余思敏（Sammie）同一對仔女都有上台！囡囡Emma大唱賀年歌，唱完仲攬咗爸爸一下，場面好溫馨！當Ronald唱完《三生有幸》送給Sammie後，Sammie就上台對住觀眾講會繼續支持老公的唱歌夢，「我做到嘅嘢好少，能做嘅係佢最大後盾，等佢無後顧之憂，等佢做到佢想做嘅嘢。」仲話：「就算冇觀眾， 我都會坐喺下面支持你，多謝你，老公！」之後兩公婆相擁再錫錫，冧死人啦！

其 實上年， 鄭中基 係澳門威尼斯人舉行《鄭中基PLAY IT AGAIN世界巡迴演唱會》時，都為太太余思敏送上《三生有幸》一曲，說太太是他最深愛的人，更藉此發表愛的宣言：「她為我增加了兩個深愛 的人。以前我從沒有想過要生小朋友，我是浪子，浪子怎會左拉右拖？當了爸爸後，經常跟導演說要開早點，才可收早回家陪孩子！」令在台下的余思敏感動落淚。 唱畢，Ronald更稱原本打算要女兒上台記着大家，因大家幫補了她的書簿費，可是她睡了。因此代女兒向觀眾鞠躬，豈料女兒Emma突然上台獻花，令 Ronald非常驚喜，笑說：「豈有此理，我怎麼不知道，真的差點哭了出來！」

由浪子轉變成慈父的Ronald在演唱會大曬溫情，真係羨煞旁人。咁究竟佢同余思敏的愛情故事又係點嘅呢？

據知Ronald和余思敏是在公開活動相識，在鄭中基宣傳《家有囍事2009》時，余思敏曾以主播身份訪問他。2010年，兩人開始拍拖，起初余思敏表現得相當低調，為免戀情曝光。

拍拖一年後，Ronald透過公司向傳媒發表聲明宣佈女友余思敏懷孕，Ronald負起責任迎娶余思敏過門。同年7月，余思敏順利誕下女兒Emma，比預產期早了3個月。2015年，Ronald在自己的Instagram宣佈老婆再次懷孕消息。他在Instagram中稱：「Emma有弟弟陪她玩囉！」前年2月，妻子余思敏誕下兒子Evan，湊成個「好」字。

兩人又不時在社交網站上分享生活照，大曬恩愛，認真甜蜜。

從沒想過生小朋友，到現在願意被兩個小朋友綁住，親情真的很神奇。

之前，Ronald就發放咗幾張同囡囡Emma一齊為今次演唱會彩排的相片，兩父母真係好溫馨啊！

自從這一家有了四口之後，幸福這個字離不開他們！