【同英雄玩遊戲】Marvel夏日超級英雄

[avrviframe id=”https://www.youtube.com/embed/cEEAqYpSyUc”] 雖然小小豬對幾位英雄人物唔多熟識(實不相瞞….佢只係識IRON MAN、美國隊長同蜘蛛俠)，不過知道有依個依個新遊戲「危機次元任務」，就當然第一時間要去玩，接受任務嚟個大挑戰~

先嚟就好似一個小迷宮，行左一陣終於搵到個入口啦~

任務就由化身成為神盾局特工開始，沿途會經過鷹眼、黑寡婦、奇異博士、雷神及星爵等幾位超級英雄，親身目擊過關無難度~

去到雷神關卡，小小豬仲抽中幫手取能量石添，之後就不停扮叻話自己好利害…真係暈了~

我地繼續邊參予任務，邊睇場內佈置，其實場內各關卡都佈置好精細，在場同行嘅大哥哥都大讚同電影佈置好相似，所以除左要俾個”LIKE”負責導賞嘅特工之外(佢地真係落力又配合)，場地設計都功不可沒~

離開臨時基地前，記得與美國隊長盾同埋雷神鎚合照呀~

當然唔少得「躍」見蜘蛛俠，蜘蛛俠仲俾左個小驚喜，原來係識講廣東話呀~

玩左就係時候休息一陣，我地仲食左啲超級英雄甜品，小小豬話杯朱古力奶好好飲呀~

當然唔少得去搵美國隊長集郵啦~

作為女仕嘅我，見到超靚仔又有禮嘅美國隊長，即刻心心眼，真係著迷了~

經過今日同一眾Marvel英雄嚟親密接觸，小小豬又更加愛上美國隊長同蜘蛛俠，佢仲話好想帶佢地返屋企添(哈哈哈…唔知佢係唔係又三分鐘熱度)。
不過我個人覺得成個夏日超級英雄活動都唔錯，尤其係「危機次元任務」入面都真係好仔細，工作人員又好落力，所以如果大家入園玩記得要去玩返轉呀！
BY 小小豬的成長日誌