慶祝紀念日好地方

我地都係好鐘意食泰國菜的，但帶住小朋友就少d去，因為謹姐少少香料都會話”spicy “🤣，再者，以前住元朗都有一兩間泰國菜ok，但後來執左，所以要搵好好食又坐得舒服裝飾靚既泰國餐廳真係好難，強哥舊同事就介紹左佢呢間位於西寶城既泰國餐廳，對於我地新界人黎講好似好遠，但我地係HKU站C2出口一過馬路就係啦，而回程時趕住返去湊返謹姐濤哥，uber返屋企都係廿百幾蚊直達，非常方便！

好，講返間餐廳先，一去到見到個門口已經覺得好靚, 全間餐廳open window ，仲有好多彩色氣球佈置好有氣氛，坐位好寬敞舒服，雖然果晚全full，但好多兩位客人都好似我地咁安排坐大卡位，好舒適！

至於重點，關於食物，真心要讚，因為真係好耐無食過咁正咁正宗既泰國菜啦！先黎前菜，除了串燒、蝦餅呢d signature 泰國小食，仲有好多特別既泰國小食，煎三文魚茸、生炸栗米蕃薯餅、而酥炸軟殻蟹配木瓜沙律和柚子沙律配辣椒、青檸、腰果及乾魚仔就簡直令我地好impressed ，柚子沙律因爲加入左乾魚仔，所以每口都係果味魚味加脆口既感覺混合於一身

救命，呢刻講起都想再食，如果每日食呢個沙律必定是減肥又超好味之選

好啦，強哥朋友極推的燒烤類不負眾望，特別喜歡燒牛柳和燒尤魚，唯獨個羊排既羊味唔夠濃差少少，但overall 燒烤做得非常唔錯！

至於signature 既pad Thai 亦不負眾望，但有少少辣左d，我地反而推薦芒果腰果炒飯，好香好好食，脆口又唔會too much ，大家下次黎一定要試下呢！