【體驗Light Painting】印象∞香港 光影樂遊

我地次次都係中午嚟，不過今次就轉一轉改為夜晚，因為我地參加左印象∞香港光影樂遊活動，學玩Light Painting呀~

[avrviframe id=”https://www.youtube.com/embed/AiLzV0dXV5c”]
其實之前都一直都好玩Light Painting，因為覺得啲相影出嚟係好靚，不過奈何自己嘅拍攝器材又唔夠勁，所以一直都係去試下玩。今次剛好見到展城館舉行依個光影樂遊，所以就約埋SY哥哥一齊嚟玩。
Light Painting其實就係以相機嘅長期曝光拍攝，曝光過程我就就用電筒畫出唔同嘅圖案，最後就可以拍攝到一張有光影塗鴉又有人靚樣嘅相片啦！
未開始玩小小豬就已經開始放電，追住啲光影都可以興奮一餐~

開始影Light Painting，就先由負責哥哥教我地嘅技巧，其實看似好容易，但原來都真係有點困難，首先個人係唔可以郁得太勁(依一點小小豬勁難做到)，然後用電筒畫時最緊要係畫完一筆之後，記得要熄燈，之後再畫第二筆，如果唔跟住，個圖案出嚟就會好亂，咁就會唔好睇呀~

我地先嚟練習下先~

熟習左個模式之後就嚟個三口子齊齊畫，除左我地做主角之外，仲有負責哥哥幫手，係我地旁邊整啲光，咁出嚟張相效果就會豐富啲又靚啲啦~

畫完又影完相之後公仔，我地就可以入展城館大堂等待取照片，有哥哥即時幫我地Print張出嚟呀~

我地嘅完成品，因為我地拍攝嘅時候有郁過，所以影出嚟檬檬地，不過其實個效果又真係唔錯呀~

可以免費體驗Light Painting其實都唔錯，尤其係當你畫完之後，唔知影成點嘅時候，睇到個相機個效果，嗰一刻又真係幾開心。就好似小小豬咁，佢見到張相出到到佢寫嘅C字，佢不知幾興奮呀！
整體上都唔錯，唯一就係玩嘅時間比較短，每一節都係得15分鐘，如果撞到我依個影相控，都真係有點唔夠喉。不過我都明白，因為活動太受歡迎，每組玩嘅時間短啲，咁就可以多啲人參與到。
希望嚟緊展城館可以再舉辨體驗Light Painting活動，到時玩樂時間長啲，活動期又可以耐啲，咁就可以大家都玩得盡慶，我一定會再報名參加呀！

BY 小小豬Kinsey