胡杏兒與囝囝渡聖誕 想生返一對雙胞胎
廣告
胡杏兒今年榮升媽媽，首度以媽咪身份過聖誕節，杏兒精心佈置屋企，又準備聖誕親子裝大晒家庭幸福！啱啱先生完，杏兒早前出席活動時，見到一對孖仔又再母愛泛濫，問大家佢可唔可以生返一對喎，唔知老公Phil又贊唔贊成呢？
撰文：Sunday Kiss
相片：myoliemyolie@instagram
胡杏兒與囝囝渡聖誕
杏兒早前在Instagram分享首張聖誕家庭照，見佢哋一家人著哂聖誕裝，屋企又放咗棵精心佈置嘅聖誕樹，真係睇到都覺得好幸福呀！相中仲見到甚少露面嘅小Brendan，雖然只係側面，但都睇得出囝囝眼大大鼻高高，相信係一個靚仔！
聖誕樹底仲放滿聖誕禮物，唔知邊個收得最多禮物呢？
睇嚟杏兒仲親自出馬，煮聖誕大餐俾屋企人食，好豐富呀！
想生返一對雙胞胎
早前，杏兒出席活動時遇到一對雙胞胎，母愛泛濫嘅佢仲忍唔住同佢哋合照，又大讚孖仔好可愛，搞到佢都想生返一對呀！網民就當然力撐杏兒「三年抱三」，仲話已經好期待孖B嘅降臨，但唔知老公阿Phil又贊唔贊成呢？
