54歲郭富城豪華豪宅後花園曝光為愛女打造兒童樂園

May 27 2020

54歲的郭富城（Aaron）與32歲的內地模特兒方媛（Moka）2017年拉埋天窗，育有2個囡囡，3歲大囡Chantelle，1歲細囡Charlotte。升呢做「父王」的郭富城，變了廿四孝愛妻愛女號，不時大方公開分享家庭樂，更帶老婆囡囡出席活動。日前（23日），方媛在社群平台上分享生活點滴，更令家中豪華後花園爆光。

撰文：Sundaykiss │圖片：新傳媒圖片、instagram、微博

郭富城豪宅後花園爆光

方媛趁著好天氣，與2名閨蜜在家中後花園野餐。照片中，她們在草地上鋪著黃格子野餐墊，享受美食和飲品之餘，還有氣球作布置，充滿少女風。

後花園種滿花草

郭富城為愛女打造兒童樂園

豪宅內，郭富城為囡囡的生日，準備的私家影樓，更有專業大燈，背景有粉紅色系氣球作佈置！另外， Aaron購入綠色大彈床，為囡囡打造兒童樂園，屋企無咁大都做唔到啊！

郭富城目標生四個

之前奉女成婚的郭富城，由無腳雀仔變成人夫人父，人生從此改寫，以前不喜歡透露私生活的他，現在常把老婆方媛及囡囡們掛在嘴邊，「我目標係生四個BB，一早已經問定朋友取經，以免第日啲小朋友爭寵。」

郭富城最近每次現身都風騷兼健談，他指囡囡非常好動，整天跑來跑去，十足自己的迷你版。

成功生B有獎賞

自從為郭富城誕下女兒後，方媛母憑女貴，要風得風，而城城更花多了時間照顧家庭，不時帶方媛出席公開場合及出外拍拖。方媛除了肯為城城開枝散葉外，對女兒的照顧及教育都不遺餘力，這點更讓郭富城非常欣賞。據知情者透露：「Moka（方媛）能夠坐正做城嫂，因為佢肯低調同口密，城城亦一早講明阿媽年紀大又恨抱孫，所以急住生B，Moka話冇問題生幾個都得，所以一知道有咗就結婚。生完個女城城變得黐家，返屋企見到個女開心到不得了，Moka好識教個女氹爹哋，佢真係親力親為照顧囡囡，未夠一歲已經問人取經報Playgroup同幼稚園，城城近年為咗巡演真係忙爆，屋企嘢都交由Moka負責。老婆話咁快就有第二胎，追仔在望嘅城城當然開心，未知性別時已經話如果生仔就重重有賞，不過獎啲咩就唔知喇！」

陀七個月肚出活動

方媛由內地模特兒變成天王嫂，受邀出席名牌護膚品活動，曾與梁洛施同場，身價與地位都今非昔比。

誓除四大岳父之名轉擺金龍多子陣

生兒育女天注定，不過多年來郭富城篤信藏傳佛教，不時拜會法王求福，他亦深信風水對家宅及事業會有幫助，17年方媛懷第一胎，他已請高人指點，在其大坑寓所布下追仔陣，除了在室內擺放風水陣外，在天台亦放了九條青龍、四大天王及一對瑞獸，據知這個「九青龍追仔陣」除了可保家宅平安外，更旺丁旺財兼擋煞。近年郭富城與黎明先後生女，四大天王被指升呢做「四大岳父」，全因天王中無人能打破宿命生仔，為此郭富城耿耿於懷。知情者說：「城城係傳統大男人，點都想生仔，所以城城都同 Moka講明要生到有仔為止，Moka年紀唔算大，仲有十年八年時間畀佢去博，而且佢本身都鍾意小朋友，城城又養得起，生一隊足球隊都唔成問題啦！城城搵高人睇咗多年風水，雖然都批佢命中會有仔，但穩陣起見都係擺啲陣加強自己信心。」本來郭富城寓所已有九條青龍助追仔，但最近他已加強風水陣，把九條青龍換上金龍，據知金龍法力比青龍更強，現在轉擺「金龍多子陣」，望能為郭富城早日達成生四個的目標。

Chantelle 返Playgroup

日前方媛親自湊囡囡由大坑寓所過海到紅磡返Playgroup ，Chantelle穿上粉紅裙仔非常可愛，方媛一身運動服加黑超，城嫂現身惹來其他家長注目。

郭富城被細22年的方媛降服，由不覊天王變愛妻號，一有時間就製造機會冧妻，不會只視老婆為生仔機器，而方媛亦做好老婆與媽媽的本份，雖然母親由國內來港長駐幫手湊B，但她絕大部分時間都親力親為，不時在社交網大晒與囡囡外出玩樂的照片，日前腹大便便的她更湊女過海返學。

四人侍候返學

天王女返學由媽咪方媛帶隊，有司機專車接送，外婆負責由寓所抱上車，有外傭跟身，雖然冇保鑣，但都幾大陣仗。

堅持陪女上堂

當日下午一時，方媛叫定司機與七人車在寓所樓下等候，帶埋外傭與母親，一齊送囡囡Chantelle前往紅磡返Playgroup，雖然還有個多月就生得，但方媛四肢仍纖瘦未見水腫，她還堅持陪住囡囡上堂，一個半小時的課堂要不時扶住未行得好穩的 Chantelle做活動，對大肚婆來說都幾吃力。放學時方媛單身抱住囡囡行出學校，外傭即時跑上前接應，方媛才能稍作休息。現場所見，歲半的Chantelle皮膚白晳似母親方媛，五官及精靈表情似爸爸城城，出外從不扭計非常惹人喜愛。