陳凱琳與孖生細佬童年合照 混血外表超標緻 深邃五官 異國特色
廣告
陳凱琳(Grace)13年成為港姐冠軍，18年與鄭嘉穎拉埋天窗，兩年抱兩，先後誕下大仔鄭承悅（Rafael）今年7月再添一子，誕下細仔鄭承亮Yannick，一家四口十分幸福！Grace活躍於社交媒體中，不時分享日常生活，日前公開兩姊弟童年照，幫手宣傳細佬IG，叫大家支持下細佬，更「歡迎佢終於融入我哋2020年嘅世界啦！」
撰文：TLY | 資料來源：陳凱琳、Derek、Ryan Reynolds@IG、電影照
陳凱琳與孖生細佬童年合照
日前，陳凱琳在IG分享孖生細佬童年合照，笑Derek是「古代人」2020年才開IG，並叫大家支持下細佬。作為資深IG用家陳凱琳：「細佬終於開IG啦！(其實佢究竟知唔知而家喺2020 年㗎呢？）Anyway，講返正題先，咁開咗IG之後，我細佬就問我呢個專家Sorry, I mean,「用家」點樣玩架？作為家姐嘅我梗係要幫佢呃下like先啦！
首先要知道：
1. 好多人都鍾意睇泳衣相 （ok, 搞掂)
2. 小動物或小朋友會比較受歡迎 （ok, 搞掂)
3. 隨時可以出賣自己家姐 (ok, 搞掂)
講笑啫！不過如果大家想嘅話都可以支持下我細佬，follow 佢個account，歡迎佢終於融入我哋2020年嘅世界啦！」
不少藝人如龔嘉欣、楊潮凱等，都留言表示兩人的照片好可愛，而網民都直指，「細佬好陽光，好有型」；「細過同宜家都無變」；「細佬比你仲要鬼10倍」。
而細佬都分享兩人兒時出遊照片，留言稱爸爸媽媽是傳統亞洲父母，為孩子準備衣服時，都會買大啲，並話你知好快著得到。
陳凱琳細佬係龍鳳胎
其實早在陳凱琳13年當選港姐時，外貌鬼鬼地的她已被誤會是混血兒，不過父母都中國人臉孔，曾引起一陣話題。當年陳凱琳曾回應傳媒說： 「我係爸爸媽媽親生，我屋企仲有個家姐，我同細佬係龍鳳胎，細佬同我一樣，由細到大都鬼鬼哋⋯⋯」
睇番Grace之前喺社交平台分享全家福，佢對上有個家姐，另外仲有個孖生弟弟Derek，不過當時張相貼出後，唔少人話家姐又好中國人樣，而Grace同孖生弟弟有啲似mix！
不少網民留言讚Derek靚仔，更指同外國影星飾演死侍Ryan Reynolds似樣，不過又有人話佢似飾演《貧民百萬富翁》Dev Patel。
