我要寫好呢個blog

話說較早前收到Sunday Kiss邀請出席今日係我哋近排成日出現既Mega ICE溜冰場舉行既Let it go Let me sing短片大賽頒獎典禮！真係唔好意思想話：「其實我個仔真係無睇過Frozen但幸好佢既青梅竹馬既小女友Aisling呢排不停係我哋面前唱Let it go同埋著Elsa裙，所以Shaun Shaun對Elsa同埋Let it go有一定既認識！」由於小女友都喜歡Elsa，於是膽粗粗問可唔可以帶埋佢黎玩？Sunday Kiss既工作人員太好人喇！比我哋帶埋Aisling一齊參加！

為咗參加呢個活動，我之前日晚開咗夜做好晒D嘢先黎，希望可以陪到阿仔，因為我知道今日有一位佢都好熟悉既朋友會再出現係佢面前！
開始時是頒獎禮，由於阿仔當時又有少少情緒，都唔係太在意到台上所發生既事。但當見到係我D好熟既家長朋友既囡囡領奬，我就偷偷地影咗相留念：）

後來原來大會有一個現場活動，係所有小朋友出黎一齊合唱Let it go…呢個時候，我就梗係把握機會幫Aisling影相！佢今日好靚呀！！你哋話係唔係呢！！

最攪笑的，我今日來完全唔知自己是有任務？原來我係人氣blogger嘉賓要出去一齊影合照！唔係講笑，我一直寫都唔知道原來有人追睇自己個blog，如果唔係今日有個家長走埋黎同我講話：「我有睇你個blog呀！好好睇同埋你要繼續加油呀！支持你！」我都唔知原來我都有粉絲！真係好感動！我會繼續努力！所以今日好努力影相，我要寫好呢個blog！以答謝大家對我既厚愛！

(借用家長在Facebook的相，謝謝！）
期待以久既時刻終於黎喇！頒獎禮完結之後，原來係可以去玩由靚媽Yennie幫手畫既靚靚Face Painting同埋攞扭波波！

可惜我個仔個心係揀扭波波，因為佢離遠已經見到佢個Friend Ken Ken哥哥黎咗！點解佢係佢個Friend?

咪就係上年Ken Ken出書前上咗黎我studio影相，佢哋兩個無厘頭一齊影咗幾張相就Friend咗囉！Ken Ken咁易認，佢點會唔記得？hehe

久別重逢！有無咁開心呀？

唔只佢，連Aisling都中埋Ken Ken毒！梗係喇！世界級小丑王唔係講笑，無論大人同小朋友一樣可以冧到佢哋暈呀！

最後，Ken Ken帶黎既另一位小丑哥哥仲扭咗個好靚既雪人公仔比Shaun Shaun添！

轉頭我又想去望下可唔可以再幫阿仔畫下公仔，點知Yennie媽媽既counter仍然好多人！嘩！好pro呀！有埋iPad比小朋友揀畫邊個花，我影咁多次生日會，D姐姐都係用個folder裝住D相比人揀，佢真係好細心呀！既方便又快捷！讚！！

今日每個參加呢個頌獎禮既小朋友都會有一份入場禮物，我好衰，次次有呢D入場禮物都係唔係好理，但經過上次既教訓（話說因為上次出席咗一個活動既入場禮物係紅米手機之後），我今次醒咗，望下係乜東東先！嘩！太開心！原來係Frozen原聲大碟同埋兩張Mega ICE既免費入場券！因為我就咁橋約好Aisling媽媽活動後順便去溜冰！變咗係Mega ICE請我哋玩！真係多謝晒！

最多謝既，就係我要求想同Ken Ken同佢哋係溜冰場裡面影幾張相留念！真係多謝現場工作人員安排！令我可以有呢D咁珍貴既照片！真係覺得好幸運！

佢兩個一走埋一齊永遠都有D攪笑既火花！

Ken Ken搶咗女友呀！

最後重攪到一仆一碌！笑死人咩！

其實我係0係客人生日會認識Ken Ken既，我影相佢攪笑！可以話係工作認識既！今日再遇到既Ken Ken同埋Yennie媽媽都係好出色既artist，佢哋對工作果份熱誠同態度係我好敬佩！所以我都覺得好幸運可以識到佢哋！我將來有機會攪活動，都一定會再次邀請佢哋幫手！真係無得輸呀！！好！就哈佬喂既時候再見喇！如果你哋又想搵佢哋幫手，又或者睇過我既blog又鐘意既話，留個言比我好嗎？等我都認識下你哋麻！唔好下次見到真係點個頭，問後一下，然後都唔知講咩嘢好，就唔好喇！：D