拆石膏後…

右手臂幼咗o架!
當bonus囉!

人哋啲小朋友跌斷骨,
通常四個禮拜就可以拆石膏,
pok姐就要打足六個禮拜,
可見佢個case幾麻煩~

會唔會從此得到教訓?
唔會囉~~
都不知幾活潑,
依然鍾意周圍走呀走~~
一啲都唔似我!!
我係唔願郁嗰種人~~
可能pok姐遺傳咗pok爸o既過度活躍細胞吧?!
(我成日懷疑pok爸細個有過度活躍症,
只係以前個年代唔興去搵醫生鑑定!)

醫生話pok姐受傷嗰度埋口埋得幾好!
咁都好啲!
最關心係使唔使做物理治療?
醫生話唔使住喎!
慢慢會好~~
大概8月就變番正常人一樣……
不過呢段時間仲未上得同運動有關o既堂!

8月?
咁游水班唔使上啦~~
芭蕾舞又唔使報啦!
yay~~pok媽今個暑假慳番唔少!

唔使做物理治療其實有啲擔心,
而家隻手唔能夠完全伸直,

所以pok爸設計咗個遊戲,
每晚用鉛筆mark低佢可以掂到幾高,
日日咁練吓練吓,
愈掂愈高!
希望好快伸番直啦!

睇番呢幾日pok姐都少咗嗌痛,
同埋活躍程度更勝從前,
相信佢唔使等8月咁耐~~
就變番正常人一樣!!

宣傳你的專頁