瘋狂任玩“反”斗年宵玩具市集

冇錯呀….我地係真係嚟行年宵，因為今年玩具“反”斗城舉行「“反”斗合家歡年宵派對」，係全球第一個屬於小朋友嘅玩具年宵，有得任玩玩具又可以贏小禮物，依個小小豬又點會唔極度歡喜呀！

一入到嚟“反”斗城，心急去玩嘅小小豬就已經一支箭咁跑去啲小攤檔玩啦~

其實整個年宵都有大約16個小攤檔，設有唔同種類嘅玩具及小遊戲俾在場嘅小朋友免費任玩，每個攤檔都好吸引，所以難怪有選擇恐懼症嘅小小豬唔知玩咩先呀！

首先就一定係去攪佢至愛之一…..THOMES啦，其實都只係將啲人物角式做配對，咁簡單就一定難唔到THOMES FANS啦~

指定時間內完成就有份小禮物啦~

旁邊小攤檔係一啲BB小玩意，依個爛玩豬當然都唔會放過啦~

跟住就去學人砌槍~

仲有考眼力及手力嘅HELLO KITTY嘅分糖糖遊戲~

仲有堆動力沙添~

嚟到依個PEPPA攤檔，小小豬雙眼就好似著左光咁，因為見到佢至愛NO.1嘛。雖然只係簡單嘅配對遊戲，不過小小豬都已經係極度興奮，真係唔知依隻小豬有咩威力，令小小豬咁著迷呀~

完成遊戲仲有PEPPA朱古力呀，雖然小小豬唔食得，不過佢都當寶咁收埋佢呀~

妖怪手錶咁HIT，又點可以冇佢嘅年宵攤檔呢~

玩左一陣，終於等到SY哥哥，兩個小朋友又可以一齊玩啦~

一齊玩下考定力嘅爬樹小猴子，依兩個小朋友都唔知玩左幾多轉，齊齊贏左兩本記事簿先肯走呀~

再去另一邊繼續狂玩，夾波波機一向都係小小豬愛玩嘅小遊戲，佢又真係夾得幾認真呀~

之後齊齊去挑戰層層疊~

新年就當然係皆大歡喜，齊齊都有小貼紙做禮物啦~

仲有得夾TOMICA車仔換貼紙~

當然唔少得超人變身啦~

哈哈哈….小小豬為左玩可以去得幾盡？就連比較女仔嘅玩意佢都要玩一餐，佢嘅爛玩指數真係爆燈呀~

小小豬今日真係玩得勁興奮，仲有一大袋小禮物添(有好多糖…貼紙…優惠卷)。估唔到我地係依個玩具年宵都玩左差唔多兩個幾鐘，如果唔係DADDY話夜要返屋企，我想依個小小豬玩到“反”斗城關門都唔願走呀！

今次活動真係不得不讚下各攤檔嘅負責哥哥/姐姐，佢地會好細心又有耐性咁同每一個小朋友玩，就算係一啲比較細個唔多識玩遊戲嘅小朋友，佢地都好樂意陪佢地玩，所以真係要俾個LIKE佢地咁專業呀！

如果大家係依兩日有時間都可以帶小朋友去玩具“反”斗城年宵市集一轉！

「“反”斗年宵玩具市集」
日期： 2月5日至7日 (年廿七至年廿九)
時間︰ 晚上6時至10時 (年廿九將延長開放時間至晚上11時)
地點︰
尖沙咀店 (地址：尖沙咀海運大廈地下 OTG23 號舖)
銅鑼灣店 (地址：銅鑼灣皇室堡 7 字樓舖)
沙田店 (地址：沙田新城市廣場第 3 期 1 樓 A198-A199 號舖)