【 周末親子樂】歎 Brunch ＋ 碌齡 ：細路放電，大人叉電 ＠Parent婷
Photo: Woody
屋企有小朋友，每個周末最頭痛就係諗節目。去公園跑跑跳跳，小朋友當然可以放電，不過大人可能會覺得無聊。有無諗過一個懶洋洋嘅周末可以咁樣過：歎 brunch ＋ 碌齡 ？集餐廳、 保齡 、酒吧於一身嘅Tikitiki Bowling Bar，每逢 周末 ，都會變成嘉年華會，歎 brunch 之餘，仲有成班「海洋生物」同大家玩，大人又可以碌齡、傾偈、飲下嘢，仲有戶外座位俾大家hea，大人細路肯定唔會悶，係周末親子嘅好節目！
周末嘉年華、 碌齡 玩足半日
周末瞓到自然醒食個早午餐，感覺最爽！位於西貢嘅Tikitiki，Brunch Menu逢星期六、日由8am至12nn供應。同場會有「海洋生物」包括八爪魚、龍蝦、蟹嘅人形公仔同小朋友玩、跳舞、影相，仲會有哥哥姐姐扭波、表演魔術、玩雜技，有時仲有body painting，十足十開嘉年華咁，每個星期六、日都好熱鬧！
逢星期六、日8am至12nn，早午餐食客仲有超抵優惠， 碌齡 每小時只係$100/賽道（平時要$300/小時），相當抵打！小朋友打到全中，即送公仔。呢度仲可以包場開生日party，$299/位起（大小同價），已經包晒食物、飲品、生日蛋糕、場地布置（如海盜、恐龍、美人魚等主題）同1小時 碌齡 ！
呢間 碌齡 Bar以東南亞小島為主題，全場內外裝潢、家具、擺設都充滿亞熱帶小島風情，好有度假嘅感覺，非常好hea。而且佔地20,000幾呎，空間夠晒大，大人小朋友絕對可以玩足半日。
5星級大廚主理
坊間嘅 保齡 球場可能有小食供應，不過水準很一般。Tikitiki嘅食物全部好有水準，唔只主菜，就連小食都達到星級水準。細問之下，原來總廚Chef Peter來自5星級名牌酒店，對食物出品要求極高。與其說呢度係 碌齡 Bar，不如話係一間有得打 保齡 嘅餐廳更恰當。
Brunch Menu
鍾意碌齡的小朋友注意！
唔好以為 碌齡 只係大朋友嘅玩意，拍攝當日所見，即使平日都有唔少小朋友嚟 碌齡 ，家長同小朋友一齊玩又可以培養共同興趣。Tikitiki星期一至五3至6pm有學生優惠，4人同行，每位$29，包1小時 碌齡 同1杯汽水，放學後嚟玩，可以refresh一下頭腦。
