自然系女生 – 包麗怡

article

Sunday Kiss

Oct 6 2015

喺而家呢個連人都可以加工嘅世界，「自然」反而顯得矜貴。啱啱由asso升讀Poly嘅包包 (包麗怡)，就係勝在夠自然，樣子甜美得嚟不帶半點侵略性，無論係望住佢，定係同佢相處，都會令人覺得好舒服，呢啲咪自然美囉！

讀咗兩年asso至可以升上degree，包包當然都付出咗好大嘅努力。不過佢話最重要嘅係要有目標，同埋識得分配時間，正如佢都有參加課外活動，但係當去到圖書館搏殺嗰陣，佢就會搏到盡。

考完DSE之後，包包就開始自己接一啲有關model嘅工作，當中都包括私影。佢話除咗當係part-time job之外，都想影多啲靚相，為自己留低多啲回憶。接得私影，包包當然都有考慮過人身安全嘅問題，所以但凡影性感相，同喺室內拍攝嘅，包包都一概唔接架！

而家包包讀緊精神護理，希望畢業之後，可以順利成為一個精神科護士。包包話，護士係一份專業工作，佢讀asso嘅時候，都試過去醫院實習，佢覺得同照顧病人，同佢嘅交流溝通，係一件好有使命感同滿足感嘅事，當然，人工高都係一個吸引嘅原因啦！

包包話，自己本來係一個好怕醜、內向嘅人，但係中學畢業之後，佢覺得出嚟做嘢最重要就係溝通方面嘅技巧，所以佢除咗讀書之外，都好積極參加唔同嘅課外活動，同學生組織，都係想改善自己嘅弱點，等自己外向啲，陽光啲！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到kissweb@nmg.com.hk俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

成功自薦或推薦者，可獲得3張面值$100嘅課程現金券。