呂中美少年 – 黃濬熙

呂中係沙田區爭崩頭嘅名校，校舍雖然細，不過無論學業成績、體育同音樂，喺區內都屬數一數二，而且校風自由，學生有好大嘅自主空間，所以Matthew都以身為「呂中人」而自豪架！

Matthew喺學校都算係活躍份子，除咗足球隊之外，田俓、長跑、手球都有玩，既係社長，亦係學生會成員tim！Matthew話，中學生涯，人人得一次，梗係乜都試吓先夠充實啦！

頭先都講過啦，Matthew好鍾意踢波架！校隊之餘，亦都有踢沙田區隊，佢話平時補習返學就算有人叫，都未必準時起到身，但係如果一早要練波，幾早佢都迫自己起身！細個仲諗過做足球員，不過大個就知道理想始終離唔開現實，而且屋企人都未必會支持。佢話鍾意唔一定要做職業嘅，得閒約班friend踢吓波，都可以搵到樂趣架！

喺朋友圈裡面，Matthew都係個「歡樂先生」嚟架！佢自己好鍾意講嘢，又鍾意熱鬧，幽默得嚟又鍾意講笑，不過佢強調只係想為朋友間帶嚟歡笑，並不適用於「撩女仔」架！

「學界男女神」唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋!

參加方法好簡單，只要將想推薦嘅同學，或者自薦人嘅facebook ，tag喺下面 “Comment”嘅位置； 再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺學界男女神facebook專頁 inbox或電郵到[email protected]俾我哋；如果成功通過編輯部審核，就有機會成為「學界男女神」!

「學界男女神」，等緊你嚟挑戰!

撰文: Joanne

攝影: Clay Lam

拍攝: Anthony Leong

剪接:Candy

美術:C.Ming

Hair+Makeup: Jeffery@ EM Makeup

場地提供:House One Party 香港映畫(9312 7997)

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。