小朋友都玩得！海洋公園 哈囉喂 2016 率先玩 @ Parent婷

每年Halloween家長都會遇到一個問題，就係自己好想去玩嚇餐飽，但又怕嚇親小朋友喊餐飽！搞到唔敢帶小朋友去，相當無癮！但今年海洋公園 哈囉喂 全日祭除咗有恐怖到令人尖叫嘅鬼屋之外，仲加咗好多適合一家大細玩嘅嘩鬼體驗，大人小朋友都可以化身捉鬼敢死隊成員，喺園區內盡情「搵鬼」！哈囉喂其實唔係大朋友嘅專利，小朋友都可以玩得好開心好盡興嘅！

小朋友必去！【捉鬼敢死隊學堂】

今年海洋公園結合《捉鬼敢死隊》系列電影的元素，將電影內經典場景及情節加入哈囉喂，特設有互動體驗【捉鬼敢死學堂】，讓一家大細可以化身捉鬼敢死隊成員，揸住支搶周圍對付邪惡鬼怪，好玩又刺激，啱晒小朋友！旁邊更有驚嚇鬼屋【捉鬼敢死隊Live! 】，讓大膽鬼深入全新《捉鬼敢死隊》電影中陰暗的紐約街頭及地下鐵嘅情景，挑戰真實驚嚇體驗。

合家歡遊樂區－古惑糖果村

哈囉喂，點可以冇糖食？呢條古惑糖果村，裡面有8個check point，大家只要到checkpoint完成小任務，就可以拎到糖果、朱古力、紋身貼紙等等禮物，又得玩有得食，小朋友就最開心啦！

AR捉妖怪體驗－猛鬼獵人 APP

小朋友最鍾意走嚟走去，淨係玩鬼屋唔夠喉？今年海洋公園仲推出咗最新手機APP【猛鬼獵人APP】，當中有攝靈天眼、捉鬼修煉場及狩鬼羅庚3大功能！大家喺海洋公園唔只淨係俾鬼嚇，仲可以一齊主動出擊，贏取鬼屋限量特快通行証！

攝靈天眼

狩鬼羅庚

嘩鬼舞台劇 魔界巨星花生騷

小朋友玩鬼屋玩到攰，有時坐定定睇番場Show都係唔錯嘅選擇嚟嘅！今年「魔界巨星花生騷」就啱晒各位大人小朋友啦！當中除咗有鬼怪歌舞、華麗燈光外，仲有一連串高難度煙花雜技！包你同小朋友睇到拍爛手掌啊！

海洋公園「哈囉喂全日祭」2016詳情：
日期：10月2日至31日 (指定日期)
時間：10:00am-11:00pm
收費：成人$385；小童$193（3-11歲）
備註：只需持有一張入場票，即可從早上到夜晚玩公園內哈囉喂景點和節目

哈囉喂優越門票

網上優惠價：成人$690；小童$345（3-11歲）

立即訂購http://halloween.oceanpark.com.hk/

持有哈囉喂優越門票可無限次優先進入所有鬼屋及優先入場欣賞「魔界巨星花生騷」一次，更可獨家深入「16禁」、「屍立中學」、「心慌血色吧」同「照妖宮殿/血祭宮殿」4間指定鬼屋嘅秘密暗室，獨享「腥」級版驚嚇體驗﹗而且仲可享用「海洋快證」的特快通行待遇，喺15款機動遊戲或設施入面，用足7次特快通行服務，當中更包括登山纜車！唔止呀，仲可以用到高達港幣$200園內消費優惠券及精美紀念品添！