梁詠琪一家過白色聖誕 囡囡無懼寒冷擲雪球
撰文：Sunday Kiss
圖片來源：gigileungwingkei@Instagram
梁詠琪一家過白色聖誕
梁詠琪日前在Instagram分享雪景照，原來Gigi和家人一起看到了初雪，估計是出國歡渡聖誕。粉絲紛紛福爾摩斯上身，在照片下競猜Gigi一家的所在地，有人就從角落街燈估計地點是在美國紐約。
初雪讓路邊的花草也沾上了滿滿的積雪，聖誕氣氛倍增。
Gigi另外分享了一張與囡囡Sofia的合照，見Sofia一手拿著一個雪球，作勢要掟向鏡頭，難道攝影師就是爸爸Sergio？
Sofia無懼寒冷，赤手拿起積雪，玩得不亦樂乎，看來一場雪球大戰即將展開！Gigi則在旁邊觀戰，擔任安全大使和攝影師，為親子樂留下照片回味。
Gigi同老公相識半年閃婚
當年Gigi與鄭伊健相戀7年，最後分手收場，後來相繼認識法籍男友Sly與美籍男友Matthew，最後也無緣白頭。直至2010年底，剛分手後嘅Gigi，趁著2011年《香港G夜》演唱會後兩星期空檔到西班牙旅行。前任男友Sly介紹了一名當地女性友人做Gigi導遊，二人一起參加當地派對時，認識35歲的西班牙籍男友Sergio。二人一見面便非常投緣，拍拖半年後結婚。被問到半年結婚會否太冒險？Gigi笑說：「其實我哋結婚嘅舉動係一件好自然嘅事，大家好快做到好朋友、click到，相處好舒服，時間長短反而唔係問題。我哋都 覺得兩夫妻喺一齊，一定要係對方最好最好嘅朋友，因為有啲咩都可以同佢分享，一齊探索、好多嘢可以一齊去enjoy，所以大家好快就知道，可以講係適當嘅 時候遇到適當嘅人。」
婚後定居香港
婚後Sergio為了Gigi，決定搬到香港！Gigi接受訪問時話：「我覺得佢係好偉大，因為你要一個喺歐洲做嘢時間又鬆動、lunch又兩、三個鐘、 dinner由夜晚九點食到凌晨一點，一個歎慣、enjoy慣生活嘅 人嚟香港，始終香港步伐真係好急，而且當佢同佢西班牙嘅上司、同事講佢會嚟香港同太太一齊生活，通常啲人第一個問題就問「點解唔係你太太過嚟西班牙？我俾 埋份工你太太做吖！唔使擔心喎！」
