樹仁Cover Girl – Alison Cheng

大專生做吓兼職好正常，不過對Alison嚟講，好似做兼職先係佢嘅「正職」啦！原來佢除咗得閒幫雜誌影吓相，仲孭住兩份工喺身架！，有喺café度做waitress啦，又幫3個小朋友補習啦！嘩 ~ 你仲有冇時間讀書架！？

而家Alison喺一間台式café度做waitress，佢話好鍾意呢份工架，因為大部分同事都同佢咁上下年紀，返工嗰陣都唔覺係返工，所以好開心架！

Alison話佢最意啲男仔高高大大，最好仲係「Mr.Cool」嚟tim！點解呢？點解呢？因為佢真係好多嘢講架！如果搵個男朋友都係好「健談」嘅，一定會好嘈啦！

嘈係嘈咗啲，不過佢個人都幾sweet嘅！如果佢唔成日講「喂呀~」同「嬲!」，真係好得人鍾意架!

Alison個樣斯斯文文，平時又話鍾意去café讀吓書，你以為佢實係個氣質文青呢? 其實佢「活潑」到得人驚呀！唔信？ 有片有真相！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: Paul Choi

攝錄: Ming Chan

剪接: Candy

Hair:Willson@KINGS Makeup

Makeup: Emma@KINGS Makeup

鳴謝:Home 21 &Creative Co-Op Home (提供場地)

及

贊助獎品