浸大戲派小花 – 潘杰玲

article

Sunday Kiss

May 12 2015

喺公仔箱最受歡迎嘅花旦，都未必會係大大美人，就好似嘉欣BB、翠如BB咁，反而最入屋、最有歡眾緣。今個星期嘅主角，都唔係令人驚豔嗰隻，但係少咗分殺傷力，又多番一分順眼同親切感。Kitling潘杰玲而家喺浸會大學讀緊表演，將來都想成為一個演員，唔知會唔會係一個入得屋、上得台，又識演戲嘅花旦呢？

Kitling中學就開始接觸舞台劇，不過因為更加嚮往喺鏡頭前演出，所以就決定報讀BU嘅電影學院，主修表演。大家公認好戲嘅智叔廖啟智，就係Kitlng其中一位老師喇！

浸大嘅電影學院非常熱門，而且要通過面試至可以入學，Kitling話面試要求學生準備一個5分鐘嘅表演，佢就自編自導自演咗一個短劇，，喺佢表演完，仲好緊張嗰陣，智叔就問佢：「如果acting唔收你，但係編劇嗰邊收你，咁你讀唔讀呀？」Kitling就話：「梗係讀啦！」由此可見，呢個妹妹唔止係得表演方面有潛質啦！

Kitling希望可以成為演員，係因為可以透過演戲去接觸一下自己世界以外嘅事物。好似古人嘅生活，一般一只係可以透過歷史書去了解，但係演員就可以透過劇本同自己嘅投入，去體會一下古代人嘅生活。

喺咁多女演員當中，Kitling最欣賞嘅就係全智賢，因為佢投入角色嘅程度，係可以好輕易咁牽動到觀眾嘅情緒。

除咗演戲，Kitling最鍾意就係食嘢，仲好鍾意整甜品tim！佢話整甜品又好食，又好玩，又可以同人分享，見到人食得開心，自己都好開心架！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。