澳門美眉 – 鄧婉薇

article

Sunday Kiss

Feb 24 2015

嘩！嘩！嘩！估唔到「學界男女神」玩到過大海呀！今次呢個女神係土生土長嘅澳門人，而家喺澳門聖若瑟大學讀緊Year 1嘅Meimei鄧婉薇。佢而家都係part time model，發掘佢嘅星探，係喺澳門玩嗰陣，喺碼頭撞到做緊兼職Meimei，覺得佢個樣有啲似昆凌，所以就簽咗佢喇！

Meimei話，對比其他地方，喺澳門升大學真係唔難，學位都好足夠。不過因為澳門啲大學規模都比較細，活動亦唔係咁多，所以生活都比較悶同平淡。

近年去澳門嘅遊客愈來愈多，但係地方始終細，所以Meimei話一到放工放學時間，一啲主要嘅觀光地點，好似新馬路咁，真係會迫到行都行唔到，對生活都有影響，但係多遊客可以刺激經濟，點都係件好事。

昆凌為人熟悉，除咗因為佢嫁咗比周杰倫之外，仲有係佢多次比人懷疑佢整容。身邊都有好多朋友話佢似昆凌嘅Meimei，就覺得各人有各人嘅選擇，一啲注射形式嘅「微整形」，佢覺得都可以接受，不過如果要開刀，就唔好搞喇！

Meimei而家喺大學讀緊傳播系，佢覺得而家澳門嘅工作機會都唔少，應該會有發展空間，佢希望畢業之後可以從事公關工作。

未睇夠? 睇埋片啦!

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。