無添加美女 – 陳劭蓉
廣告
韓國女仔好多都靚得好精緻，甚至靚到一式一樣，第一眼見到Jessica嘅時候，都覺得佢好有韓妹feel，甚至有懷疑過佢個樣有冇做過手腳，不過後來經化妝師親手驗證過，證實佢個樣百分百天然，絕對無添加! 今個星期呢個喺城大BBA讀緊Year 1 嘅靚女 – 陳劭蓉(Jessica)，可以登上我哋嘅女神榜，應該冇人有異議喇掛!?
其實Jessica俾人話似整過容，都唔係第一次，如果唔係有惡意，佢我都唔會介意，反而會當人哋讚緊佢tim！佢仲話，如果真係有機會去整，佢會想削骨，因為佢覺得自己個腮骨好大，所以塊面好似pizza咁喎!
Jessica自細就好貪靚，喺記得中五嗰年，學校有個inter-class fashion show competition，佢係負責化妝嘅，所以都好緊張個比賽結果。當個model一出場嘅時候，就成班一齊尖叫，唔講以為佢哋癲左！不過可以嚐試幫人扮靚，Jessica都覺得好開心!
雖然真光妹俾人嘅感覺好似好文靜，但其實佢哋都可以好man架! Jessica話以前玩扯大纜嗰陣，分分鐘大力過啲男仔。而且最經典莫過於係佢哋件長衫個衩成日都會爆線，原因係好多時玩得太癲，或者行路太大動作，可見真光妹係幾咁好動啦！
Jessica而家讀緊嘅BBA，其實都係熱門學科! 佢話第時畢業想入i-bank做嘢，因為工作好有挑戰性，同埋可以接觸到唔同嘅人，不過佢都知入ibank唔容易，所以嚟緊一定會努力裝備自己！
嚟到2015年，「學界男女神」都要增值吓，唔止要睇盡中學界靚人，仲要殺入大專界！
所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！
參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。
「學界男女神」，等緊你嚟挑戰!
撰文: Joanne
攝影:Clay Lam
拍攝: Anthony Leong
剪接: Candy
Hair + Makeup: Emma@KINGS Makeup
提供場地: Synergy Biz Group(SynBOX)
鳴謝:
贊助獎品
