理大校草 – 吳啟洋

Phoebus話，選校花校草唔係純粹「鬥靚」，仲要「鬥才藝」，所以最後贏咗，佢最開心嘅係大家見到佢嘅投入，同認同佢下嘅苦功。

靚唔靚仔， Phoebus認為係見仁見智，不過參加呢個比賽其中一個最大嘅得著，就係人唔可以單靠外表，才華同內才美都好重要。所以而家Phoebus都有繼續學跳舞同音樂，希望自己嘅才藝會更加全面。

除咗跳舞之外，Phoebus都有玩運動架! 佢打咗手球7年，打過港隊，都代表過香港出賽，佢都係因為透過「精英運動員計劃」，先可以入到而家呢個學系架!

因為贏咗校花校草比賽，Phoebus多咗好多演出機會，除咗影硬照之外，仲有做吓網上節目主持，佢仲話希望第時可以向主持呢方面發展tim!

而Phoebus最欣賞嘅主持，就係台灣嘅綜藝大哥吳宗憲，佢話憲哥啲gag，個個都有神級水準喎! 不過睇Phoebus咁斯文，又唔似係走搞笑路線喎! 唔信?睇埋片啦!

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: 溫俊鏘

拍攝:Anthony Leong

剪接: Candy

Hair+Makeup: EM Makeup

提供場地: Anke Island Studio(3568 9173)

鳴謝:

及

贊助獎品