真光傻豬豬 – 鄧思寧

細細個Celine個樣已經好標誌，有少少似混血兒，而且仲天生一副明星相，化妝師話佢似張栢芝，攝影師話佢似常盤貴子，又有啲似林依晨！似林依晨咪好囉！「零負評女神」喎，又叻又乖，仲好得人鍾意tim！

爹地同媽咪都係讀傳統名校出身，Celine就喺真光由小學一路讀到升上中學。Celine媽媽話，當初都想Celine讀番自己嘅母校(媽媽係讀聖心架！)，不過考慮真光純樸嘅校風，好適合Celine與世無爭嘅性格，而且佢又讀得好開心，所以就冇再諗咁多喇！

好多女仔都覺得跳芭蕾舞好優雅，Celine就偏偏欣賞中國舞嘅古典美！3歲開始學跳舞，而家係香港舞蹈團-兒童少年團嘅成員。十歲時第一次參加公開舞蹈比賽，就攞到獨舞金獎喇！幾叻豬！

想成為一個職業舞蹈員，除咗要熱愛跳舞，仲要好有毅力先得架！好彩Celine有齊哂呢兩個條件！佢平時最鍾意一邊拉筋一邊溫書，而且跳舞連跳10個鐘頭都唔會嗌攰架！幾犀利！

Celine好開朗，又好鍾意笑！咩都笑得一餐！連媽咪都笑佢「低能」！不過其實佢內心都好感性架！平時鍾意寫作抒發情感，佢自比係一棵”向住太陽嘅小黃菊”，「不想跟其他花爭妍鬥麗，只想享受平凡中顯得不平凡嘅生命。」女仔可以咁與世無爭好難得架！真心希望Celine可以永遠保持呢份天真同單純啦！

「學界男女神」唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋!

參加方法好簡單，只要將想推薦嘅同學，或者自薦人嘅facebook ，tag喺下面 “Comment”嘅位置； 再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺學界男女神facebook專頁 inbox或電郵到[email protected]俾我哋；如果成功通過編輯部審核，就有機會成為「學界男女神」!

「學界男女神」，等緊你嚟挑戰!

撰文: Joanne

攝影: Clay Lam

拍攝: Anthony Leong

剪接+美術:Ks

Hair+Makeup: EM Makeup

場地提供: 小蝶 (2845 4555)

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。