科大數口精 陳凱晴

雖然係讀緊會計，但係凱晴覺得呢一科其實好悶，如果要執業又要繼續讀書，繼續考試，加上自己又鍾意同人接觸，所以畢業之後都唔打算做會計師，反而想做同marketing，或者活動策劃有關嘅工作。

凱晴對唱歌演戲都好有興趣，不過自知冇乜天份，但係又想建立一番成就，於是就諗到將自己鍾意扮靚襯衫嘅興趣變成事業，入咗貨就着上身去影輯靚相，實行用自己嚟做試身公仔，sell自己賣嘅衫，數口真係精呀！

周秀娜係好多男士心目中嘅女神，不過對凱晴嚟講，娜姐就係佢最崇拜嘅人，唔係因為羨慕佢樣靚身材好，而係凱晴好欣賞娜姐好有生意頭腦，識得利用自己嘅天賦同知名度，嚟發展自己嘅生意，係一個好值得學習嘅對象。

凱晴嘅母校聖母書院，係一間都幾傳統嘅修女學校，甚少會舉辦聯校活動，所以凱晴當時唯有全副心機都擺喺學業上面，不過佢話如果有得再揀，都會揀番讀女校，因為可以專心啲喎！

嚟到2015年，「學界男女神」都要增值吓，唔止要睇盡中學界靚人，仲要殺入大專界！

所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋! 由今期開始，成功自薦或推薦嘅話，仲有嘢送！

參加方法好簡單，只要將想推薦嘅同學，或者自薦勇士嘅facebook ，tag喺下面 “Comment”嘅位置；再將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺Sunday Kiss facebook專頁 inbox或電郵到[email protected]俾我哋；如果成功通過編輯部審核，成為「學界男女神」，自薦或推薦者就可以得到由遵理學校送出嘅「$300課程現金券」。

「學界男女神」，等緊你嚟挑戰!

撰文: Joanne

攝影: 黃大立

拍攝: Anthony Leong

剪接: Candy

美術: C.Ming

Hair:Willson@KINGS Makeup

Makeup: King @KINGS Makeup

提供場地: 官中站

鳴謝:

及

贊助獎品

※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。