聖記冧冧豬 – 楊鎵字
廣告
Garchia( 楊鎵字 ) 話自己係個唔識嗲聲嗲氣，比較男仔頭，又鍾意搞無聊爛gag嘅女仔，呢個既係佢嘅優點，亦係缺點。好處係容易同人熟絡啦，唔好處就係有時無聊得滯會俾人嫌佢低B啦! 不過，就係因為男仔頭，性格咪夠爽囉! 鍾意搞笑，個樣又識得笑，咁見到佢咪笑得好冧囉!
見到”Garchia”呢隻字，真係連讀都唔識讀，連Garchia自己都話，個名係自己作架! (小編勉強拼個諧聲出嚟教吓大家啦! “嘉~殊~牙~” )阿Garchia而家喺赤柱嘅聖士提反書院讀緊中五，佢係由小學部一直升上中學架，佢話學校好注重學生學習環境，再加埋個無敵大同靚校園，令到佢好難唔對呢間學校有歸屬感同自豪感啦!
Garchia係聖士提反第一屆IB學生，佢話成日都聽到人講:”嘩~ 讀，IB正啦! 日日攞住部mac上堂！又唔駛讀文言文同通識！” 其實真係好大嘅誤解! 佢話讀IB上堂係有多啲互動性嘅討論，唔駛淨係聽老師講，不過就要做好多Assessment，最後一年仲要寫份4千字嘅研究論文，都真係唔係咁輕鬆架!
讀IB都一樣要考公開試，Garchia出年就要考大學喇，雖然好多人話大學讀嘅未必同將來份嘅工作有關。不過心儀營養學嘅Garchia，就覺得呢科咁專業，如果讀到都會做相關嘅工作! 希望第時可姚入到澳洲或者英國嘅大學啦， 不過前提都係要夠分!
[youtube id=”G9YKryypEsA”]「學界男女神」唔止要睇盡中學界靚人，仲要殺入大專界！
所以無論你係讀緊中學定大專，只要你認為自己或者身邊嘅同學仔有呢個資格，都可以自薦或推薦俾我哋!
參加方法好簡單，只要將參加者及提名人嘅姓名、年齡、就讀學校、個人專長、聯絡電話，仲有一個月內影嘅近照兩張(全身及正面)，喺學界男女神facebook專頁 inbox或電郵到[email protected]俾我哋；如果成功通過編輯部審核，就有機會成為「學界男女神」!
「學界男女神」，等緊你嚟挑戰!
撰文: Joanne
攝影:Simpson Chiu
拍攝: Anthony Leong
剪接:Candy
美術:C.Ming
Hair+Makeup: EM Makeup
※如欲率先接收資訊，請讚好我們的FB專頁並於「已讚好/Liked」選單設定「搶先看/See First」，多謝支持。
